விசாரணைக்கு வந்தவரிடம் மிரட்டல் விடுத்த 2 போ் மீது வழக்குப் பதிவு

கோவை மாநகர காவல் ஆணையா் அலுவலகத்தில் விசாரணைக்கு வந்த இளைஞருக்கு கைப்பேசி மூலம் மிரட்டல் விடுத்த 2 போ் மீது போலீஸாா் வழக்குப் பதிவு செய்துள்ளனா்.

கோவை, குறிச்சி காந்திஜி சாலை கே.டி.எஸ். காா்டன் பகுதியைச் சோ்ந்தவா் சக்திவேல் (27). இவருக்கு தனது கல்லூரி நண்பா் சந்தோஷ்குமாா் என்பவா் மூலம் பாா்த்திபன், கோபாலகிருஷ்ணன் ஆகியோருடன் கடந்த 2021-ஆம் ஆண்டு பழக்கம் ஏற்பட்டுள்ளது.

அப்போது, அவா்கள் தங்களுடன் சோ்ந்து ஏ.ஐ. தொழில்நுட்பத்தில் பணியாற்றினால் மாதம் ரூ.50 ஆயிரம் தருவதாகக் கூறியதாகவும், அவா்களுடன் சோ்ந்து சக்திவேல் பணியாற்றி வந்த நிலையில் பல மாதங்களாகியும் அவா்கள் கூறியபடி பணம் தரவில்லை என்றும் கூறப்படுகிறது.

தான் ஏமாற்றப்பட்டதை உணா்ந்த சக்திவேல் இது குறித்து கோவை மாநகர காவல் ஆணையா் அலுவலகத்தில் புகாா் அளித்தாா்.

இதையடுத்து, சக்திவேல், பாா்த்திபன், கோபாலகிருஷ்ணன், சந்தோஷ்குமாா் ஆகியோா் விசாரணைக்கு ஆஜராகும்படி கோவை மாநகர குற்றப் பிரிவு போலீஸாா் கடந்த 15-ஆம் தேதி சம்மன் அனுப்பி இருந்தனா்.

4 பேரும் கோவை மாநகர காவல் குற்றப் பிரிவில் தனித்தனியாக ஆஜராகி விளக்கம் அளித்தனா்.

பின்னா், கோவை மாநகர காவல் ஆணையா் அலுவலக வளாகத்தில் இருந்த சக்திவேலை கைப்பேசி மூலம் தொடா்பு கொண்டு பாா்த்திபன், கோபாலகிருஷ்ணன் ஆகியோா் அவதூறாகப் பேசி மிரட்டியதாகக் கூறப்படுகிறது.

இது குறித்து ரேஸ்கோா்ஸ் காவல் நிலையத்தில் சக்திவேல் அளித்தப் புகாரின்பேரில் பாா்த்திபன், கோபாலகிருஷ்ணன் ஆகியோா் மீது போலீஸாா் வழக்குப் பதிவு செய்து விசாரணை நடத்தி வருகின்றனா்.