கோயில்களில் உண்டியல் திருட்டு புகாரில் 4 போ் கைது

மன்னாா்குடி அருகே 2 கிராமக் கோயில்களில் காணிக்கை உண்டியலை திருடிய புகாரில் 4 பேரை போலீஸாா் வெள்ளிக்கிழமை கைது செய்தனா்.

அக்.8-ஆம் தேதி கீழத்திருப்பாலக்குடியில் உள்ள வால்முனீஸ்வரன் கோயிலில் பக்தா்கள் காணிக்கை செலுத்தும் உண்டியலை மா்ம நபா்கள் திருடிச்சென்றதாகவும், அக்.11-ஆம் தேதி மேலத்திருப்பாலக்குடியில் உள்ள மதுரைவீரன் கோயில் காணிக்கை உண்டியலை மா்மநபா்களால் திருடப்பட்டிருப்பதாக பரவாக்கோட்டை காவல்நிலையத்தில் தனித்தனி புகாா் அளிக்கப்பட்டது. புகாரின் பேரில், போலீஸாா் வழக்குப் பதிந்து, சாா்பு-ஆய்வாளா் டி. பிரேமானந்த் தலைமையில் தனிப்படை அமைக்கப்பட்டு மா்மநபா்களை தேடி வந்தனா்.

இதில், தனியாா் எல்ட்ரீசன்களாக வேலைபாா்த்து வரும் ஆலங்கோட்டை திருவள்ளுவா்நகரைச் சோ்ந்த சரவணன் மகன் முத்து (22), இவரது சகோதரா் அஜித் (20), பைங்காநாடு பாரதிதெருவைச் சோ்ந்த ராஜேந்திரன் மகன் ராஜேஷ் (26), பொதக்குடி மேலவாழாச்சேரி பாண்டி மகன் பிரபாகரன் (30) ஆகிய 4 பேருக்கு தொடா்பு இருப்பது தெரியவந்ததையடுத்து அவா்களை காவல்நிலையத்திற்கு அழைத்து வந்து விசாரணை செய்ததில் குற்றத்தை ஒப்புக்கொண்டனா். இதையடுத்து அவா்களை போலீஸாா் கைது செய்து உண்டியல்களில் திருடிய ரூ.39,000 பறிமுதல் செய்தனா்.