தீபாவாளி: பலகார தயாரிப்பு நிறுவனங்களில் ஆய்வு

தீபாவளி பண்டிகையை முன்னிட்டு, நாகையில் இனிப்பு மற்றும் கார வகைகள் தயாரிப்பு நிறுவனங்களில் உணவு பாதுகாப்பு அதிகாரிகள் ஞாயிற்றுக்கிழமை ஆய்வு மேற்கொண்டனா்.

பாதுகாப்பான மற்றும் சுகாதாரமான உணவு மக்களுக்கு கிடைப்பதை உறுதி செய்ய இந்த ஆய்வு மேற்கொள்ளப்பட்டது. நகராட்சி உணவு பாதுகாப்பு அலுவலா் அ.தி. அன்பழகன் மற்றும் அதிகாரிகள் நாகை பகுதியில் செயல்படும் இனிப்பு மற்றும் கார வகைகள் தயாரிக்கும் கடைகள் மற்றும் நிறுவனங்களில் மூலப் பொருள்களின் தரம் மற்றும் இடத்தின் சுகாதாரம் ஆகியவற்றை ஆய்வு செய்தனா்.

தொடா்ந்து, உணவு பாதுகாப்பு துறையின் உரிமம் பெற்ற நிறுவனங்களில் இருந்து மூலப் பொருள்களை வாங்கி பயன்படுத்த வேண்டும்; தயாரிப்பு விவரங்கள் இல்லாத, காலாவதியான மூலப்பொருள்களை இனிப்பு, பலகாரங்கள் செய்ய பயன்படுத்தக் கூடாது. இனிப்பு வகைகளில் உணவு பாதுகாப்புத் துறை அனுமதித்துள்ள நிறமிகளை, அனுமதிக்கப்பட்ட அளவுகளில் மட்டுமே பயன்படுத்த வேண்டும் என அறிவுறுத்தினா்.

மேலும், விற்பனை செய்யப்படும் உணவு பொருள்களில் தயாரிப்பு தேதி, காலாவதி தேதி உள்ளிட்ட விவரங்கள் கட்டாயம் இடம்பெற வேண்டும். உணவு பாதுகாப்பு மற்றும் தர நிா்ணய சட்ட விதிகளுக்கு முரணாக செயல்பட்டால் சட்ட நடவடிக்கை எடுக்கப்படும் எனவும் எச்சரித்தனா்.