தூய்மைப் பணியாளா்களுக்கு மழை கோட்டுகள்: அரக்கோணம் நகா்மன்றத் தலைவா் வழங்கினாா்

அரக்கோணம் நகராட்சியில் மழைக் காலத்தில் பணியில் ஈடுபடும் தூய்மைப் பணியாளா்களுக்கு மழை கோட்டுகளை புதன்கிழமை நகா்மன்றத் தலைவா் லட்சுமி பாரி வழங்கினாா்.

அரக்கோணம் நகரப் பகுதியில் செவ்வாய்க்கிழமை 38 மி,மீ மழை பெய்த நிலையில் மழையையும் பொருள்படுத்தாமல் நகா்மன்றத் தலைவா், நகராட்சி அதிகாரிகள் தூய்மைப் பணியாளா்களோடு இணைந்து மீட்புப் பணிகளில் ஈடுபட்டனா்.

இதை தொடா்ந்து நகராட்சியின் சாா்பில் தூய்மைப் பணியாளா்களுக்கு மழை கோட்டுகளை வழங்கும் நிகழ்ச்சி நடைபெற்றது.

நிகழ்வுக்கு ஆணையா் பா.கன்னியப்பன் தலைமை வகித்தாா். இதில் நகா்மன்றத் தலைவா் லட்சுமி பாரி அனைத்து தூய்மைப் பணியாளா்களுக்கும் மழை கோட்டுகளை வழங்கினாா். நிகழ்வில் சுகாதார ஆய்வாளா் வெயில் முத்து, ஆய்வாளா் சுதாகா் உள்ளிட்டோா் பங்கேற்றனா்.