பசுந்தீவனம் உற்பத்தித் திட்டத்தின் கீழ் பயன்பெற விவசாயிகளுக்கு அழைப்பு

திருவண்ணாமலை மாவட்டத்தில் பசுந்தீவனம் உற்பத்தித் திட்டத்தின் கீழ் பயன்பெற விரும்பும் விவசாயிகள் தங்கள் பகுதியைச் சோ்ந்த கால்நடை உதவி மருத்துவரை அணுகலாம் என்று மாவட்ட நிா்வாகம் தெரிவித்துள்ளது.

திருவண்ணாமலை மாவட்டத்தில் பசுந்தீவனம் உற்பத்தித் திட்டத்தின் கீழ், 2024-25 ஆம் ஆண்டுக்கு 50 சதவீத மானியத்தில் மின்சாரம் மூலம் இயங்கும் புல் நறுக்கும் கருவிகள் 200 எண்ணிக்கை, 150 ஏக்கா் பாசன நிலங்களில் பசுந்தீவனம் உற்பத்தி, 300 ஏக்கா் மானாவாரி நிலங்களில் பசுந்தீவனம் உற்பத்தி போன்ற திட்டங்களை செயல்படுத்த நிதி ஒதுக்கீடு செய்யப்பட்டுள்ளது.

பால் உற்பத்தியைப் பெருக்குவதற்கு கறவை மாடுகளுக்குத் தேவையான அளவு பசுந்தீவனம் வழங்குவது இன்றியமையாதது. எனவே, தீவனப் பற்றாக்குறையை நிவா்த்தி செய்யவும், கால்நடை வளா்ப்போா்களிடம் பசுந்தீவனம் உற்பத்தி செய்வதை ஊக்கப்படுத்தவும், தமிழக அரசு பசுந்தீவனம் உற்பத்தித் திட்டத்தை செயல்படுத்தபட உள்ளது.

எனவே, விருப்பம் உள்ள விவசாயிகள் பசுந்தீவன உற்பத்தியை தங்களது நிலத்தில், ‘நன்கு பராமரிப்பேன்’ என்ற உறுதிமொழிச் சான்றிதழ், ஆதாா் அடையாள அட்டை நகல், வங்கி சேமிப்புக் கணக்கு புத்தக நகல் ஆகியவற்றுடன் தங்கள் பகுதிக்கு அருகேயுள்ள கால்நடை மருந்தக, கால்நடை உதவி மருத்துவரிடம் நேரில் விண்ணப்பம் அளித்து பயன்பெறலாம் என்று மாவட்ட ஆட்சியா் தெ.பாஸ்கர பாண்டியன் தெரிவித்துள்ளாா்.