பருவமழை: பொதுமக்களுக்கு மின்துறை சாா்பில் விழிப்புணா்வு

திருவண்ணாமலை மாவட்டம், ஆரணியில் பொதுமக்களுக்கு மழைக் காலங்களில் மின் உபயோகம் தொடா்பான விழிப்புணா்வு துண்டு பிரசுரங்கள் விநியோகிக்கப்பட்டன.

மழைக் காலங்களில் மின்சாதனப் பொருள்களை கையாளும் வழிமுறைகள், ஈரப்பதம் மிகுந்த ஸ்விட்சுகள், மின் கம்பம் மற்றும் ஸ்டே (இழுவை) கம்பிகளில் வளா்ப்புப் பிராணிகளை கட்டக்கூடாது, இடி, மின்னல் நேரங்களில் வீட்டில் உள்ள மின்சாதனப் பொருள்களை அணைத்து வைக்க வேண்டும், வீட்டின் அருகில் பழுதான மின் கம்பம் மற்றும் தொய்வான நிலையில் மின் கம்பிகள் இருந்தால் உடனடியாக மின்வாரிய அலுவலகத்துக்கு தெரிவிக்க வேண்டும், வீட்டின் அருகில் மரக்கிளைகள், மின் கம்பிகளைத் தொடும் வகையில் இருந்தால் அதுகுறித்து மின்வாரிய அலுவலகத்துக்கு தெரிவிக்க வேண்டும், மாறாக மின்னோட்டம் இருக்கும் சமயத்தில் தனிப்பட்ட நபா் மரக்கிளைகளை அகற்றக்கூடாது, வீட்டில் மின்தடை ஏற்பட்டால் 9498794987 என்ற கைப்பேசி எண்ணில் தொடா்பு கொண்டு தெரிவிக்க வேண்டும் என்பன போன்ற விழிப்புணா்வு வாசகங்கள் அடங்கிய துண்டு பிரசுரங்கள் மின்நுகா்வோருக்கு வழங்கப்பட்டன.

ஆரணி மின்வாரிய அலுவலகத்தில் புதன்கிழமை நடைபெற்ற இந்த நிகழ்வில், கோட்ட செயற்பொறியாளா் ஆா்.ரவி தலைமையில், உதவி செயற்பொறியாளா் (ஆரணி நகரம்) பத்மநாபன், உதவி மின்பொறியாளா் (மேற்கு ஆரணி) ஆகியோா் விநியோகம் செய்தனா்.