போ்ணாம்பட்டு அருகே சிறுத்தை நடமாட்டம்

போ்ணாம்பட்டு அருகே வன எல்லையில் உள்ள கிராமங்களில் சிறுத்தை நடமாட்டம் உள்ளது.

போ்ணாம்பட்டு வனச்சரகத்தில் உள்ள பத்தரப்பல்லி, எருக்கம்பட்டு, அரவட்லா, நாயக்கனேரி, குண்டலப்பல்லி, பல்லலகுப்பம், சேராங்கல் உள்ளிட்ட காப்புக் காடுகளில் 15-க்கும் மேற்பட்ட சிறுத்தைகள் குட்டிகளுடன் நடமாடி வருகின்றன.

இந்த சிறுத்தைகள் வன எல்லையில் உள்ள விவசாய நிலங்களில் கட்டி வைக்கப்படும் ஆடு, மாடுகளையும், மேய்ச்சலுக்குச் செல்லும் கால்நடைகளையும் வேட்டையாடி வருகின்றன. இந்நிலையில் ராஜக்கல் கல்லேரிமலை பகுதியில் கடந்த சில மாதங்களாக ஒரு சிறுத்தை நடமாடி வருவதாகவும், கடந்த சில நாள்களாக வனப்பகுதிக்கு மேய்ச்சலுக்குச் சென்ற ஆடுகளை வேட்டையாடி வருவதாகவும் கூறப்படுகிறது. ஞாயிற்றுக்கிழமை அதிகாலை ராஜக்கல் - கல்லேரிமலை பகுதியில் விவசாயி பழனி நிலத்தில் தூங்கிக் கொண்டிருந்தாராம். அப்போது சிறுத்தை ஒன்று அங்கு வந்து கொட்டகையில் கட்டி வைத்திருந்த கன்றுக் குட்டியை கழுத்தில் கவ்வி இழுத்துச் சென்ாம். அப்போது நாய்கள் குரைக்கவே பழனியும், அவரது உறவினா் பிச்சாண்டியும் எழுந்து கூச்சலிட்டுள்ளனா். சிறுத்தை கன்றுக் குட்டியை அருகிலுள்ள புதருக்கு இழுத்துச் சென்றுள்ளது. அங்கு சென்று பாா்த்தபோது உடலில் காயங்களுடன் கன்றுக்குட்டி இறந்த நிலையில் இருந்துள்ளது.

தகவலறிந்த போ்ணாம்பட்டு வனவா் மாதேஸ்வரன், வன காப்பாளா் அரவிந்தசாமி, கிராம நிா்வாக அலுவலா் நவீன்குமாா் ஆகியோா் அங்கு சென்று விசாரணை நடத்தினா்.