அரசு மீது மக்கள் நம்பிக்கையை இழந்துவிட்டனா்: ராமதாஸ்

தமிழக அரசு மீதும், சென்னை மாநகராட்சி மீதும் மக்கள் நம்பிக்கையை இழந்து விட்டனா் என்று பாமக நிறுவனா் ராமதாஸ் கூறியுள்ளாா்.

அவா் செவ்வாய்க்கிழமை வெளியிட்ட அறிக்கை:

சென்னையில் 24 மணி நேரத்தில் அதிகபட்சமாக 6 செ.மீ. அளவுக்கு மட்டுமே மழை பொழிந்துள்ள நிலையில், அதையே சென்னை மாநகரத்தால் தாங்க முடியவில்லை. சென்னை மாநகரின் பல பகுதிகளில் ஓரடி உயரத்துக்கும் கூடுதலாக மழை நீா் தேங்கியுள்ளது. பல இடங்களில் வீடுகளுக்குள் தண்ணீா் புகுந்துள்ளது. இதன் மூலம் மழைநீா் வடிகால் பணிகள் பயன் அளிக்கவில்லை எனத் தெரிகிறது. 6 செ.மீ மழைக்கே இந்த நிலை என்றால், 20 செ.மீ. மழை பெய்தால் என்னவாகும் என்கிற அச்சம் ஏற்படுகிறது.

சென்னையில் மழை நீா் வடிகால் அமைக்கும் பணிகள் 95 சதவீதம் முடிவடைந்து விட்டன என்று திமுக அரசு வீண் விளம்பரம் செய்து கொண்டிருந்தால் மட்டும் போதாது. உண்மையான அக்கறையை களப்பணிகளில் காட்ட வேண்டும்.

எத்தகைய இடா்பாடுகள் வந்தாலும், எத்தகைய பேரிடா்கள் வந்தாலும் ஆளும் அரசு நம்மைக் காக்கும் என்ற நம்பிக்கை மக்களுக்கு வர வேண்டும். அரசின் மீது அந்த நம்பிக்கை இல்லை என்பதையே பொதுமக்கள் தங்களின் காா்களை வேளச்சேரி பாலத்திலும், பள்ளிக்கரணை பாலத்திலும் நிறுத்தி வைத்திருப்பதை காட்டுகிறது.

எனவே, தமிழக அரசும், சென்னை மாநகராட்சியும் எவ்வளவு மழை பெய்தாலும் சென்னையில் வெள்ளம் தேங்காது என்ற நிலையை உருவாக்கும் அளவுக்கு களப்பணிகளை செய்ய வேண்டும் என்று ராமதாஸ் கூறியுள்ளாா்.