தமிழக அரசின் ஆவின் பால் நிறுவனம், கிரீன் மேஜிக் எனும் பச்சை நிற பாக்கெட் பாலை, கிரீன் மேஜிக் பிளஸ் எனப் பெயர் மாற்றம் செய்து, லிட்டருக்கு ரூ. 11 உயர்த்தி விற்பது பகல் கொள்ளை எனவும், ஆவின் உடனடியாக இதை நிறுத்த வேண்டும் எனவும் பா.ம.க உள்ளிட்ட அரசியல் கட்சிகள் இன்று கண்டனம் தெரிவித்தன. இந்த நிலையில், ஆவின் தரப்பிலிருந்து இதற்குத் தற்போது விளக்கம் தரப்பட்டிருக்கிறது.
ஆவின் பால் பாக்கெட் கவர்கள்!அந்த அறிக்கையில், ``ஆவின் நிறுவனம் நிலைப்படுத்தப்பட்ட பாலின் (பச்சை நிற பால்) விற்பனை குறைப்பு மற்றும் உற்பத்தி நிறுத்தம் என்று எந்த ஒரு முடிவையும் எடுக்கவில்லை. மக்கள் நலன் கருதி, எதிர்வரும் பால் தேவையைக் கருத்தில் கொண்டும் மற்றும் பால் சந்தையில் அனைவரும் விரும்பும் வகையில் வைட்டமின் ஏ மற்றும் டி செறிவூட்டப்பட்டு மற்றும் இதர கொழுப்புச் சத்துக்களை சற்று உயர்த்தி புதிய வகையான பாலினை அறிமுகப்படுத்த ஆய்வு மட்டுமே மேற்கொள்ளப்பட்டு வருகிறது.
Aavinமேலும் பொது மக்களிடம் கருத்துக்கள் கேட்கப்படவுள்ளது. அதோடு, எந்த விதமான புதிய வகைப் பாலையும் இதுவரை ஆவின் விற்பனை செய்யத் தொடங்கவில்லை என்பதைத் தெரிவித்துக் கொள்கிறோம். ஆவின் நிறுவனம் புதிய வகையான பால் விற்பனை தொடங்கும் பட்சத்தில் அனைத்து ஊடகங்களுக்கும் தெரிவித்த பின்னரே தொடங்கப்படும்." என்று தெரிவிக்கப்பட்டிருக்கிறது.