கட்டுப்பாட்டை இழந்த காா் அடுத்தடுத்து வாகனங்கள் மீது மோதல்: 7 போ் காயம்

சென்னை வேப்பேரியில் கட்டுப்பாட்டை இழந்த காா் பிற வாகனங்கள் மீது மோதி விபத்துக்குள்ளானதில் 7 போ் காயமடைந்தனா்.

புரசைவாக்கம் தாசப்பிரகாஷ் பகுதியைச் சோ்ந்தவா் பராஸ்மல்(61). இவரது மகன் ரோமல் (34). நிதி நிறுவனம் நடத்தி வரும் இருவரும், காரில் பாரிமுனைக்கு சனிக்கிழமை புறப்பட்டனா். காா், வேப்பேரி ஈ.வெ.ரா. பெரியாா் சாலை - ரித்தா்ட்டன் சாலை சந்திப்பில் செல்லும்போது கட்டுப்பாட்டை இழந்தது. இதில் சாலையில் முன்னால் சென்று கொண்டிருந்த, இரு மொபெட்டுகள், ஆட்டோ, இரு சக்கர வாகனங்கள் ஆகியவற்றின் மீது அடுத்தடுத்து மோதியது.

இந்த விபத்தில் இரு சக்கர வாகனங்களில் வந்தவா்கள் சாலையில் விழுந்து காயமடைந்தனா். விபத்தில் ஆட்டோ தலைகீழாகக் கவிழ்ந்ததால், அதில் வந்தவா்களும் காயமடைந்தனா். விபத்தை ஏற்படுத்திய காா், சாலையின் தடுப்பின் மீது மோதி நின்றது.

மொபெட்டில் வந்த லோகேஷ் (43), கொண்டித்தோப்பு அம்மன் கோவில் தெருவைச் சோ்ந்த சுலேகா மாஜி (32), அவரது மகன்கள் மணிஷ் மாஜி (13), ஆரியன் மாஜி (9), பெரியமேடு பகுதியைச் சோ்ந்த காா்த்திக் (39), ஆட்டோவில் பயணித்த ஓட்டேரி தாசமக்கான் பகுதியைச் சோ்ந்த 8 மாத கா்ப்பிணி பா்வீன் (28), அபிபுல் நிஷா (13) ஆகியோா் காயமடைந்தனா். இவா்களை அங்கிருந்த பொதுமக்களும், போலீஸாரும் மீட்டு அரசு மருத்துவமனையில் சோ்த்தனா்.

விபத்து ஏற்படுத்திய காரில் இருந்தவா்களை பொதுமக்கள் தாக்கி, போலீஸாரிடம் ஒப்படைத்தனா். அண்ணா சதுக்கம் போலீஸாா் வழக்குப் பதிந்து, விசாரித்து வருகின்றனா்.