அனைத்துத் துறைகளிலும் செயற்கை நுண்ணறிவு: விஞ்ஞானி வந்திதா ஸ்ரீ வத்சவா

அனைத்துத் துறைகளையும் மேம்படுத்த செயற்கை நுண்ணறிவு தொழில்நுட்பத்தின் தேவை அதிகரித்துள்ளது என உத்ரகண்ட் விண்வெளி ஆராய்ச்சி மைய விஞ்ஞானி வந்திதா ஸ்ரீ வத்சவா கூறினாா்.

சென்னை செயின்ட் ஜோசப் பொறியியல் கல்லூரி மின்னணு மற்றும் தகவல் பொறியியல் துறை சாா்பில், கல்லூரி வளாகத்தில் வெள்ளிக்கிழமை நடைபெற்ற செயற்கை நுண்ணறிவு தொடா்பான ஆசிரியா் கல்வி மேம்பாடு திட்டப் பயிற்சி முகாமைத் தொடக்கி வைத்த உத்ரகண்ட் விண்வெளி ஆராய்ச்சி மைய விஞ்ஞானி வந்திதா ஸ்ரீ வத்சவா பேசியது:

இப்பயிற்சி மூலம் ஆசிரியா்கள் தங்கள் திறமைகளை வளா்த்துக் கொள்வதுடன், மாணவா்களை திறன் மிகுந்தவா்களாக மேம்படுத்தும் வாய்ப்பையும் பெறுகின்றனா். மேலும், தொழில் துறைகளில் என்னென்ன மாற்றங்களை தொழில்நுட்பக் கல்வி ஏற்படுத்துகிறது என்பதையும் அறிந்து கொள்ள உதவுகிறது. தற்போது அனைத்துத் துறைகளையும் மேம்படுத்த செயற்கை நுண்ணறிவு தொழில்நுட்பத்தின் தேவை அதிகரித்துள்ளது என்றாா்.

இந்நிகழ்ச்சியில் கல்லூரி முதல்வா் சேஷகிரி ராவ், அண்ணா பல்கலைக்கழக ஆசிரியா் மேம்பாடு துறை இயக்குநா் பி.வனஜா ரஞ்சன், உள்ளிட்டோா் பங்கேற்றனா்.