புதிய தொகுப்பாளர், பெரிய வீடு, மற்றும் ‘ஆண்கள் Vs பெண்கள்’ - பரபரப்பாக நடந்து வரும் பிக் பாஸ்!

பிக் பாஸ் சீசன் 8 அக்டோபர் 6 ஆம் தேதி பிரம்மாண்டமாக 5 மணி நேர தொடக்கவிழாவுடன் துவங்கியது.

புதிய தொகுப்பாளராக விஜய் சேதுபதி அறிமுகமானது ரசிகர்களிடையே மிகப்பெரிய வரவேற்பை பெற்று, பரவலான பாராட்டுகளைப் பெற்று வருகிறது. 8-வது சீசனின் தொடக்கத்திலிருந்தே, இந்த நிகழ்ச்சி பல புதிய அம்சங்களால் நிரம்பி இருக்கிறது. புதிய தொகுப்பாளர், பெரிய வீடு, மற்றும் அசாத்திய ‘ஆண்கள் Vs பெண்கள்’ கருப்பொருள் என ரசிகர்களை கவர்ந்திருக்கிறது.

விஜய் சேதுபதி புதிய தொகுப்பாளராக அசத்தலான தோரணையில், ரசிகர்களின் எதிர்பார்ப்புகளை பூர்த்தி செய்திருக்கிறார். விவாதங்களை நேரடியாக சந்திப்பது, போட்டியாளர்களின் தவறுகளை நேர்மையாக விசாரிப்பது, உள்ளிட்ட விஜய் சேதுபதியின் தன்னம்பிக்கை மிக்க அணுகுமுறைக்கு பலத்த பாராட்டுகள் கிடைத்து வருகின்றன.

தொடக்க எபிசோடு தமிழகம் முழுவதும் 9 TVR(Television Ratings) மற்றும் சென்னையில் 13 TVR9(Television Ratings) என சாதனை படைத்து, நிகழ்ச்சிக்கு பெரிய ரசிகர்கள் வட்டம் இருப்பதை உறுதிப்படுத்தி இருக்கிறது. ரசிகர்கள் டிவியில் மட்டும் அல்லாமல், டிஜிட்டல் தளங்களின் வழியாகவும் இந்நிகழ்ச்சியினை கண்டுகளித்து வருகிறார்கள்.

முதல் வாரத்தில் 32 மில்லியனுக்கும் மேற்பட்ட பார்வையாளர்கள் தொலைக்காட்சியில் இந்நிகழ்ச்சியைப் பார்த்திருக்கின்றனர். இந்த தகல்களால் உற்சாகத்தில் இருக்கின்றனர் நிகழ்ச்சித் தயாரிப்பாளர்களும், தொலைக்காட்சியினரும்!