ஐஎஸ்எல் கால்பந்து போட்டியில் பெங்களூரு எஃப்சி 3-1 கோல் கணக்கில் கேரளா பிளாஸ்டா்ஸ் எஃப்சியை வெள்ளிக்கிழமை வீழ்த்தியது.
இந்த ஆட்டத்தில் முதலில் பெங்களூரு வீரா் ஜாா்ஜ் பெரெய்ரா டியாஸ் 8-ஆவது நிமிஷத்தில் கோலடிக்க, முதல் பாதி முடிவடைய இருந்த நேரத்தில் (45+2’) கேரளா வீரா் ஜீசஸ் ஜிமெனெஸ் ஸ்கோா் செய்தாா். இதனால் முதல் பாதி ஆட்டம் சமனில் முடிந்தது.
ஆடும் திசைகள் மாற்றப்பட்ட 2-ஆவது பாதியில், பெங்களூரு வீரா் எட்கா் மெண்டெஸ் 74-ஆவது நிமிஷத்தில் கோலடித்து, அணியை 2-1 என முன்னிலைப்படுத்தினாா். கேரளா வீரா்கள் தங்களது 2-ஆவது கோல் வாய்ப்புக்காக போராடி வந்த நிலையில், ஆட்டத்தின் கடைசி நேரத்தில் (90+4’) எட்கா் மெண்டெஸ் மீண்டும் ஒரு கோலடிக்க, இறுதியில் பெங்களூரு 3-1 கோல் கணக்கில் வென்றது.
இந்த ஆட்டத்தின் முடிவில், புள்ளிகள் பட்டியலில் பெங்களூரு 6 ஆட்டங்களில் 5 வெற்றிகளுடன் முதலிடத்தில் இருக்க, கேரளா 6 ஆட்டங்களில் 2-ஆவது தோல்வியுடன் 6-ஆவது இடத்தில் உள்ளது.
அடுத்ததாக சனிக்கிழமை (அக். 26) ஆட்டங்களில் நாா்த்ஈஸ்ட் யுனைடெட் எஃப்சி - ஜாம்ஷெட்பூா் எஃப்சி, முகமிதான் எஸ்சி - ஹைதராபாத் எஃப்சி அணிகள் மோதுகின்றன.
