அவிநாசி அருகே சாலை விபத்தில் 2 இளம் பெண்கள் உள்பட 3 பேர் பலி
ஜப்பான் ஓபன்: அரையிறுதியில் கெனின் - போல்டா் மோதல்
ஜப்பான் ஓபன் மகளிா் டென்னிஸ் போட்டியில், அமெரிக்காவின் சோஃபியா கெனின், பிரிட்டனின் கேட்டி போல்டா் ஆகியோா் அரையிறுதியில் மோதுகின்றனா்.
மகளிா் ஒற்றையா் காலிறுதியில், சோஃபியா கெனின் 6-3, 6-4 என்ற நோ் செட்களில், போட்டித்தரவரிசையில் 3-ஆம் இடத்திலிருந்த ரஷியாவின் டரியா கசாட்கினாவை தோற்கடித்தாா்.
போட்டித்தரவரிசையில் 9-ஆம் இடத்திலிருக்கும் கேட்டி போல்டா் 6-2, 6-1 என்ற கணக்கில், கனடாவின் பியான்கா ஆண்ட்ரிஸ்குவை வீழ்த்தினாா். இதையடுத்து அரையிறுதியில் கெனின் - போல்டா் சந்திக்கின்றனா். இருவரும் இதுவரை ஒரு முறை மோதியிருக்க, அதில் சோஃபியா வென்றுள்ளாா்.
இதர ஆட்டங்களில், போட்டித்தரவரிசையில் முதலிடத்தில் இருக்கும் சீனாவின் கின்வென் ஜெங் 6-0, 1-6, 6-3 என்ற செட்களில், 8-ஆம் இடத்திலிருந்த கனடாவின் லெய்லா ஃபொ்னாண்டஸை வெளியேற்றினாா்.
அரையிறுதியில் அவா், 6-ஆம் இடத்திலிருக்கும் ரஷியாவின் டயானா ஷ்னெய்டரை சந்திக்கிறாா். முன்னதாக ஷ்னெய்டா் தனது காலிறுதியில் ஜப்பானின் சயாகா இஷியுடன் மோதவிருந்த நிலையில், காயம் காரணமாக இஷி விலகினாா். இதனால், ஷ்னெய்டா் வென்றவராக அறிவிக்கப்பட்டு அரையிறுதிக்கு வந்தாா். ஜெங் - ஷ்னெய்டா் சந்திக்க இருப்பது இதுவே முதல் முறையாகும்.