மணிப்பூரின் தௌபாலில் ஆயுதங்கள், வெடிபொருட்கள் மீட்பு

மணிப்பூரின் தௌபால் மாவட்டத்தில் நடத்தப்பட்ட சோதனையின் போது ஆயுதங்கள் மற்றும் வெடிமருந்துகள் கைப்பற்றப்பட்டன.

மணிப்பூரின் எஸ்டிஎன்பிஏ கேட் அருகே ஐரோங் மலையில் பாதுகாப்புப் படையினர் சனிக்கிழமையன்று தேடுதல் நடவடிக்கையை மேற்கொண்டனர். அப்போது, ​​9எம்எம் கைத்துப்பாக்கி, நான்கு கைக்குண்டுகள், டெட்டனேட்டர் மற்றும் 12 தோட்டாக்கள் கைப்பற்றப்பட்டுள்ளன. மேலும், நான்கு வெற்று இதழ்கள், 6 காலி தோட்டாக்கள் மற்றும் ஒரு புகை குண்டுகளும் கைப்பற்றப்பட்டதாக போலீஸார் ஞாயிற்றுக்கிழமை தெரிவித்தனர்.

இதனிடையே சனிக்கிழமை அதிகாலை ஜரிபம் மாவட்டத்தில் இருந்து சுமாா் 30 கி.மீ. தொலைவில் அடா்ந்த வனப்பகுதி மற்றும் மலைகளால் சூழப்பட்ட போரோபெக்ரா கிராமத்தில் உள்ள காவல் நிலையம் அருகே அதிநவீன ஆயுதங்களை பயன்படுத்தி தீவிரவாதிகள் துப்பாக்கிச்சூடு மற்றும் வெடிகுண்டு தாக்குதல்கள் நடத்தினா். மத்திய ரிசா்வ் காவல் படையினா் மற்றும் காவல்துறையினா் பதில் தாக்குதல் நடத்தியதையடுத்து, அப்பகுதியில் இருதரப்பினா் இடையே கடும் துப்பாக்கிச் சண்டை ஏற்பட்டது.

வாய்மொழியில் வித்தை காட்டுவது நம் வேலையல்ல: விஜய்

தொடரும் மோதல் சம்பவங்களுக்கு அமைதியான முறையில் தீா்வு காணும் முயற்சியில் மைதேயி மற்றும் குகி சமூகங்களின் எம்எல்ஏகளுக்கு இடையே தில்லியில் பேச்சுவாா்த்தை நடத்தப்பட்ட சில நாள்களில் இந்த தாக்குதல் சம்பவம் நிகழ்ந்துள்ளது. மேலும், மணிப்பூரின் இம்பால் கிழக்கு மாவட்டத்தில் இரண்டு தீவிரவாதிகள் கைது செய்யப்பட்டதாக காவல்துறையினா் சனிக்கிழமை தெரிவித்தனா்.

கடந்த ஆண்டு மே மாதம் முதல் மணிப்பூரில் உள்ள இம்பால் பள்ளத்தாக்கை தளமாகக் கொண்ட மைதேயி மற்றும் அதை ஒட்டிய மலைப்பகுதிகளைச் சார்ந்த குகி சமூகத்தைச் சேர்ந்தவர்கள் இடையே ஏற்பட்ட வன்முறையில் 200க்கும் மேற்பட்டோர் கொல்லப்பட்டனர் மற்றும் ஆயிரக்கணக்கானோர் வீடற்றவர்களாக ஆக்கப்பட்டுள்ளனர். இதைத்தொடர்ந்து அங்கு தொடர்ந்து வன்முறை சம்பவங்கள் அரங்கேறி வருகின்றன.