மாற்றுத் திறனாளிகளுக்காக அரசு செயல்படுத்தும் பல்வேறு திட்டங்கள்: அமைச்சா் கேஆா். பெரியகருப்பன்

தமிழகத்தில் மாற்றுத் திறனாளிகளுக்காக பல்வேறு திட்டங்கள் செயல்படுத்தப்படுகிறது என்று தமிழக கூட்டுறவுத் துறை அமைச்சா் கேஆா். பெரியகருப்பன் தெரிவித்தாா்.

சிவகங்கையில் செவ்வாய்க்கிழமை நடைபெற்ற மாற்றுத்திறனாளிகள் தின விழாவில் 215 மாற்றுத் திறனாளிகளுக்கு ரூ. 78.83 லட்சம் மதிப்பிலான பல்வேறு நலத்திட்ட உதவிகள், 96 மாணவா்களுக்கு விளையாட்டுப் போட்டிகளுக்கான பரிசுகள், சான்றிதழ்கள் வழங்கி அவா் பேசியதாவது:

தமிழக அரசு சாா்பில் மாற்றுத் திறனாளிகள் உயா்கல்வி வரை படிப்பதற்கும், சுயதொழில் தொடங்குவதற்கும் தேவையான தொழிற் பயிற்சி, வங்கிக் கடனுதவி வழங்கப்பட்டு வருகிறது. கடுமையாக பாதிக்கப்பட்ட மாற்றுத் திறனாளிகளுக்கான மருத்துவச் சிகிச்சைத் திட்டம், பராமரிப்பு நிதியுதவித் திட்டம், மாற்றுத்திறனாளிகளுக்கான மாதாந்திர ஓய்வூதியத் திட்டம் உள்ளிட்ட பல்வேறு திட்டங்கள் தமிழகத்தில் செயல்படுத்தப்பட்டு வருகிறது என்றாா் அவா்.

விழாவில் மாவட்ட ஆட்சியா் ஆஷா அஜித் தலைமை வகித்துப் பேசினாா். மானாமதுரை சட்டப்பேரவைத் தொகுதி உறுப்பினா் ஆ. தமிழரசி ரவிக்குமாா், காரைக்குடி சட்டபேரவைத் தொகுதி உறுப்பினா் எஸ். மாங்குடி ஆகியோா் முன்னிலை வகித்தனா்.

விழாவில் சிவகங்கை வருவாய்க் கோட்டாட்சியா் விஜயகுமாா், இணைப் பதிவாளா் (கூட்டுறவு சங்கங்கள்) ராஜேந்திர பிரசாத், சிவகங்கை நகா்மன்றத் தலைவா் சி.எம். துரைஆனந்த், நகா்மன்றத் துணைத் தலைவா் காா்கண்ணன், திருப்புவனம் பேரூராட்சித் தலைவா் சேங்கைமாறன், மாவட்ட மாற்றுத்திறனாளிகள் நல அலுவலா் பாலகிருஷ்ணன், மாவட்ட ஊராட்சிக் குழு உறுப்பினா் ஆரோக்கிய சாந்தாராணி, நகா்மன்ற உறுப்பினா் ராஜேஸ்வரி, பல்நோக்கு மறுவாழ்வு உதவியாளா் பிரியா உள்ளிட்டோா் கலந்துகொண் டனா்.