Bigg Boss Tamil 8: `வெளியேறிய அர்னவ்’ - சக போட்டியாளர்கள் போட்ட ஸ்கெட்ச் தான் காரணமா?

மெது மெதுவாக சூடு பிடிக்கத் தொடங்கியிருக்கிறது பிக்பாஸ் தமிழ் சீசன் 8. ரவீந்தர், தீபக், ரஞ்சித், சௌந்தர்யா உள்ளிட்ட பதினெட்டு போட்டியாளர்களுடன் அக்டோபர் 6-ம் தேதி தொடங்கிய நிகழ்ச்சியில் முதல் எவிக்‌ஷனில் ரவீந்தர் வெளியேறி விட்டார்.

இரண்டாவது வார எவிக்‌ஷனுக்கான ஷூட்டிங் பிக்பாஸ் செட்டில் இன்று நடந்தது. இந்த வாரம் வெளியேறுவதற்கான நாமினேஷன் பட்டியலில் வி.ஜே.விஷால், தர்ஷா குப்தா, ரஞ்சித், ஜெப்ரி உள்ளிட்ட பத்து பேர் இருந்தனர். இவர்களில்  ரசிகர்களிடமிருந்து கிடைத்த ஓட்டுகளின் அடிப்படையில் நடிகர் அர்னவ் வெளியேற்றபட்டுள்ளதாக  நம்பகமான தகவல்கள் தெரிவிக்கின்றன.

அர்னவைப் பொறுத்தவரை அவரது பிக்பாஸ் என்ட்ரியே பரபரப்பாகப் பேசப்பட்ட  ஒன்றுதான். ஏனெனில், எந்த அன்ஷிதாவுடன் சேர்ந்து கொண்டு தன்னைத் துன்புறுத்துகிறார் என இவர் மீது இவர் மனைவி குற்றம் சுமத்தினாரோ, அதே அன்ஷிதாவையும் இவரையும் ஒருசேர பிக்பாஸ் நிகழ்ச்சிக்கு அனுப்பினார்கள்.

'குடும்பப் பிரச்னையையெல்லாம் யாரும் நினைவில் வைத்திருக்க மாட்டார்கள்' என நினைத்தார்களா என்னவோ தெரியாது, ஆனால் இவர்கள் இருவரும் பிக்பாஸ் வீட்டுக்குள் தங்கள் பழைய பிரச்னைகள் குறித்துப்  பேசாமல்தான் இருந்தனர்.

ஒருபடி மேலே போய், 'முதல் வாரமே அன்ஷிதாவை நாமினேட் செய்தார் அர்னவ். ஆனால் அப்போதே  இவர்கள் குறித்து டீடெய்லை கையில் வைத்திருந்தது போல், 'அர்னவ் ஏதோ பிளான் வச்சிருக்கார்' என்றார் சௌந்தர்யா.

அர்னவ் அன்ஷிதா இருவரும் தங்களது பர்சனல் குறித்து அந்த வீட்டுக்குள் பேசாத போதும், வெளியில் அர்னவ் அவரது மனைவி திவ்யா அன்ஷிதா மூன்று பேரும் கான்பெரன்ஸ் காலில் சண்டை போட்ட பழைய ஆடியோ மறுபடியும் ஒரு ரவுண்டு வரத் தொடங்கியது. அரனவ் வுக்கு நிகழ்ச்சியில் குறைந்த ஆதரவே கிடைத்ததன் பின்னனியில் நிச்சயம் இந்த ஆடியோவுக்குப் பங்கிருக்கும் என்கிறார்கள்.

இந்த ஆடியோ ரீ ரவுண்டின் பின்னணியில் திவ்யா இருப்பதாக அர்னவின் நட்பு வட்டத்தினர் நினைப்பதாகத் தெரிகிறது. ஆனால் அர்னவ் நிகழ்ச்சிக்குள் செல்லும் போதே பி.ஆர். வேலை செய்யச் சொல்லி சிலரை நியமித்து விட்டுப் போனதாகவும், இதைத் தெரிந்து கொண்ட மற்ற சில போட்டியாளர்களின் பி.ஆர். டீமே அந்த ஆடியோ பரப்பும் வேலையைச் செய்ததாகவும் அடித்துக் கூறுகிறது இன்னொரு தரப்பு.

எது எப்படியோ ஜென் மோடில் அந்த வீட்டுக்குள் வலம் வந்து கொண்டிருந்த அர்னவ் வெளியேறி விட்டார் என்கிறார்கள்.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX