Bigg Boss Tamil 8: `standby arunprasath' - வீடியோ பகிர்ந்து அருணுக்கு ஆதரவளித்த அர்ச்சனா

நன்றி: விகடன்இணையதளம்.

விஜய் டிவியில் பிக் பாஸ் சீசன் 8 அக்டோபர் 6ம் தேதி ஒளிபரப்பாகத் தொடங்கியது. அர்னவ், ரவீந்தர், தர்ஷா குப்தா, பவித்ரா ஜனனி உள்ளிட்ட பதினெட்டுப் பேர் போட்டியாளர்களாக பிக் பாஸ் வீட்டுக்குள் சென்றனர்.

அடுத்த 24 மணி நேரத்தில் சாச்சனா வெளியேறினார். மீண்டும் அவர் நிகழ்ச்சிக்குள் வந்து விட்டதால், அந்த அதிரடி எவிக்‌ஷன் ஏன் நடந்தது என இதுவரை யாருக்கும் தெரியவில்லை.தொடர்ந்து முதல் வார இறுதி எபிசோடுக்கான ஷூட்டிங் பிக்பாஸ் செட்டில் நடந்தது. விஜய் சேதுபதி கலந்து கொண்ட ஷூட்டிங்கின் இறுதியில் எவிக்ட் ஆகி, முதல் ஆளாக பிக்பாஸ் வீட்டில் இருந்து வெளியேறினார்  தயாரிப்பாளர் ரவீந்தர்.

தொடர்ந்து இரண்டாவது வார  எவிக்‌ஷனில் நடிகர் அர்னவ் வெளியேற, தற்போது ஆண்கள் அணியில் 7 பேர் பெண்கள் அணியில் 9 பேர் என மொத்தம் பதினாறு போட்டியாளர்கள் அந்த வீட்டில் இருக்கிறார்கள்.

இந்நிலையில் கடந்த சீசனின் டைட்டில் வின்னரும், போட்டியாளர் அருணின் தோழியுமாக அர்ச்சனா தனது இன்ஸ்டாகிராம் பக்கத்தில் ஸ்டோரி ஒன்றை வைத்திருக்கிறார். அந்த வீடியோவில் விஜய் சேதுபதி பிக் பாஸ் ஹவுஸ்மேட்டான அருணைக் கண்டிப்பது போன்ற காட்சிகளும் சக போட்டியாளர்களிடம் அருண் தன்மையாக நடந்து கொள்ளும் காட்சிகளும் தொகுக்கப்பட்டுள்ளன.

அந்தக் காட்சியில் நடிகர் அருணிடம் பேசிய ஒரு வேளையில் அவரை 'ஆண்கள் அணியின் சொம்பு தூக்கி'  எனப் பொருள் படும்படி பேசியிருந்தார் விசே.

அந்த வீடியோவை ஷேர் செய் `standby arunprasath' என்ற ஹேஷ்டேக்கையும் வைத்திருக்கிறார். நடந்து முடிந்த இரண்டு எவிக்‌ஷனின் போதும் விஜய் சேதுபதி போட்டியாளர்களை கையாண்ட விதம் குறித்து சிலர் பாராட்டுவதும், சிலர் மிகுந்த கண்டிப்புடன் நடந்து கொள்கிறார் என்றும் இரண்டு விதமாகப் பேசிவருகின்றனர். இதுகுறித்த உங்கள் கருத்தை கமென்ட்டில் பதிவிடுங்கள்.