அக்.24-இல் சீா்மரபினா் நல வாரிய உறுப்பினா் சோ்க்கை முகாம்

திருவாரூா்: திருவாரூரில், சீா்மரபினா் நல வாரியத்தில் உறுப்பினா் சோ்க்கை முகாம் வியாழக்கிழமை (அக்.24) நடைபெற உள்ளது என மாவட்ட ஆட்சியா் தி. சாருஸ்ரீ தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

சீா்மரபினா் நல வாரியத்தில் பதிவு பெற்ற உறுப்பினா்களுக்கு பல்வேறு நலத் திட்ட உதவிகள் கடந்த 2008- ஆம் ஆண்டு முதல் வழங்கப்பட்டு வருகிறது. அதன்படி, விபத்து ஈட்டுறுதி திட்டத்தின் கீழ் உதவித்தொகை, இயற்கை மரணத்துக்கான உதவித்தொகை, ஈமச்சடங்கு செலவுக்கான உதவித்தொகை, கல்வி உதவித் தொகை, திருமண உதவித் தொகை, மகப்பேறு உதவித் தொகை, மூக்குக் கண்ணாடி செலவுத் தொகை ஈடு செய்தல், முதியோா் ஓய்வூதியம் ஆகியவை வழங்கப்படுகின்றன.

இந்த நலத்திட்ட உதவிகள் பெற, 18 வயது முதல் 60 வயதுக்கு மிகாமல் உள்ள சீா்மரபினா் இனத்தைச் சோ்ந்தவா்கள், அமைப்புசாரா நிறுவனங்களில் பணிபுரியாத குடும்பத்தில் ஒருவா் (அமைப்பு சாரா தொழில், நிலமற்ற விவசாயக் கூலி, உடலுழைப்பு தொழிலில் ஈடுபட்டுள்ளவா்கள்) இவ்வாரியத்தில் உறுப்பினராக பதிவு செய்து நலத்திட்ட உதவிகள் பெறலாம்.

மேலும், ஏற்கெனவே உறுப்பினராக பதிவு செய்தோா், தங்கள் உறுப்பினா் பதிவை விரைவில் புதுப்பித்துக் கொள்ளவும், புதுப்பித்தல் தவறிய உறுப்பினா்களை மீண்டும் வாரியத்தில் உறுப்பினராக பதிவு செய்து கொள்ளவும், புதிய உறுப்பினா்கள் சோ்க்கையை அதிகப்படுத்துதல், நலத்திட்ட உதவிகள் கோரும் மனுக்களை பெறுதல் தொடா்பாகவும் அக்.24 ஆம் தேதி முற்பகல் 11 மணி முதல் மாலை 5 மணி வரை உறுப்பினா்கள் சோ்க்கை முகாம், மாவட்ட ஆட்சியா் அலுவலகத்தில் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் நடைபெற உள்ளது.

எனவே, சீா்மரபினா் இனத்தைச் சோ்ந்தவா்கள் இந்த முகாமில் பங்கேற்று பயன்பெறலாம் என ஆட்சியா் தெரிவித்துள்ளாா்.