சோழச்சேரி சிவன் கோயில் கும்பாபிஷேகம்

திருவாரூா்: கொரடாச்சேரி அருகே சோழச்சேரி பிரஹன்நாயகி உடனுறை விருத்தாசலேஸ்வரா் கோயில் கும்பாபிஷேகம் திங்கள்கிழமை நடைபெற்றது.

இதையொட்டி, கடந்த வெள்ளிக்கிழமை விக்னேஸ்வர பூஜையுடன் யாகசாலை பூஜைகள் தொடங்கின. திங்கள்கிழமை காலை நான்காம் கால யாகபூஜையில் மஹா பூா்ணாஹூதி நடைபெற்று, மகா தீபாராதனை காட்டப்பட்டது.

தொடா்ந்து, மேளதாளங்கள் முழங்க புனிதநீா் கடங்கள் புறப்பாடாகி, கோயிலை வலம் வந்து கோபுரத்தை அடைந்ததும், விமானக் கலசத்துக்கு புனிதநீா் வாா்த்து, மகா கும்பாபிஷேகம் நடைபெற்றது. திரளான பக்தா்கள் சுவாமி தரிசனம் செய்தனா்.