ஆம்ஸ்ட்ராங் கொலை: 26 போ் அறிவுரை கழகத்தில் ஆஜா்

சென்னை: ஆம்ஸ்ட்ராங் கொலை வழக்கில் கைதாகி குண்டா் தடுப்புச் சட்டத்தில் சிறையில் இருக்கும் 26 போ் அறிவுரை கழகத்தில் ஆஜா்படுத்தப்பட்டனா்.

பகுஜன் சமாஜ் கட்சியின் மாநிலத் தலைவராக இருந்த ஆம்ஸ்ட்ராங் கடந்த ஜூலை 5-ஆம் தேதி வெட்டிப் படுகொலை செய்யப்பட்டாா். இது குறித்து செம்பியம் காவல் நிலைய போலீஸாா் வழக்குப்பதிந்து விசாரித்து வருகின்றனா். இந்த கொலை வழக்கில் ரெளடிகள், அரசியல் கட்சி நிா்வாகிகள் என பலா் கைது செய்யப்பட்டனா். பரபரப்பை ஏற்படுத்திய இந்தக் கொலை வழக்கில் 30 போ் மீது கடந்த அக்.3-ஆம் தேதி குற்றப்பத்திரிகை தாக்கல் செய்யப்பட்டது. முன்னதாக இந்த கொலை தொடா்பாக 28 போ் கைது செய்யப்பட்டு அதில் 26 போ் மீது குண்டா் சட்டம் பாய்ந்தது குறிப்பிடத்தக்கது.

இந்நிலையில், குண்டா் தடுப்புச் சட்டத்தில் கைது செய்யப்பட்ட ஆற்காடு சுரேஷ் தம்பி, பொன்னை பாலு உள்ளிட்ட 26 பேரும் சென்னை மாவட்ட ஆட்சியா் அலுவலகத்தில் உள்ள அறிவுரை கழகத் தலைவா் முன்பு செவ்வாய்க்கிழமை ஆஜா்படுத்தப்பட்டனா். முதலில் 3 பெண்களும், அதன்பின்னா் 23 ஆண்கள் என மொத்தம் 26 போ் மீதான குண்டா் தடுப்புச் சட்டத்தை உறுதி செய்யும் வகையில், அறிவுரை கழகத்தில் ஆஜா்படுத்தப்பட்டனா். இதையொட்டி மாவட்ட அறிவுரை கழக அலுவலகத்தில் காவல் துணை ஆணையா் மற்றும் இரு உதவி ஆணையா்கள் தலைமையில் 200-க்கும் மேற்பட்ட போலீசாா் பாதுகாப்புப் பணியில் ஈடுபட்டனா்.