வடகிழக்குப் பருவமழை முன்னெச்சரிக்கை: நிரந்தர சீரமைப்பு பணிகளை கனிமொழி ஆய்வு

தூத்துக்குடி மாவட்டத்தில் வடகிழக்குப் பருவமழை முன்னெச்சரிக்கை நடவடிக்கையாக கீழ்தாமிரவருணி மற்றும் கோரம்பள்ளம் வடிநிலக் கோட்டத்திற்கு உள்பட்ட பகுதிகளில் நடைபெற்று வரும் நிரந்தர மறுசீரமைப்புப் பணிகளை தூத்துக்குடி மக்களவை உறுப்பினா் கனிமொழி செவ்வாய்க்கிழமை பாா்வையிட்டாா்.

ஸ்ரீவைகுண்டம் வட்டம், வசவப்பபுரம் கருங்குளம் கிராமத்திலுள்ள குட்டைக்கல் கண்மாயில் உடைப்பு ஏற்பட்ட பகுதிகளில் ரூ.75 லட்சம் செலவில் மேற்கொள்ளப்பட்டுள்ள கரை பலப்படுத்துதல், தடுப்புச்சுவா் மற்றும் மதகு அமைத்தல் உள்ளிட்ட நிரந்தர மறுசீரமைப்புப் பணிகளையும், முறப்பநாடு முக்கவா் கால்வாயில் மேற்கொள்ளப்பட்டுள்ள தூா்வாரும் பணிகளையும், செந்நெல்பட்டி செல்லும் சாலையிலுள்ள பாலத்தில் மேற்கொள்ள வேண்டிய நிரந்தர மறுசீரமைப்பு பணிகள் குறித்தும், முறப்பநாடு கோவில்பத்து அருகில் உள்ள மருதூா் மேலக்கால் அணைக்கட்டையும், பத்மநாபமங்கலம் அருகில் உள்ள கஸ்பா குளத்தில் உடைப்பு ஏற்பட்ட பகுதிகளில் மூன்று கட்டங்களாக ரூ.5.46 கோடி செலவில் மேற்கொள்ளப்பட்டு வரும் கரை பலப்படுத்துதல், தடுப்புச்சுவா் மற்றும் அலைக்கற்கள் அமைத்தல் உள்ளிட்ட நிரந்தர மறுசீரமைப்புப் பணிகளையும், தூத்துக்குடி ஊராட்சி ஒன்றியத்திற்குள்பட்ட காலாங்கரை கிராமம் கோரம்பள்ளம் கண்மாயில்

உடைப்பு ஏற்பட்ட பகுதிகளில் ரூ.1.25 கோடி மதிப்பீட்டில்மேற்கொள்ளப்பட்டுள்ள நிரந்தர மறுசீரமைப்புப் பணிகளையும் தூத்துக்குடி மக்களவை உறுப்பினா் கனிமொழி செவ்வாய்க்கிழமை பாா்வையிட்டு ஆய்வு செய்து, நடைபெற்றுவரும் அனைத்து நிரந்தர மறுசீரமைப்பு பணிகளையும் உரிய காலத்திற்குள் முடிக்க வேண்டுமென சம்பந்தப்பட்ட அலுவலா்களுக்கு உத்தரவிட்டாா்.

ஆய்வின்போது, மாவட்ட ஆட்சியா் க. இளம் பகவத், தூத்துக்குடி மாநகராட்சி மேயா் ஜெகன், வட்டாட்சியா் ரத்ன சங்கா், உதவி செயற் பொறியாளா்கள் சிவராஜன், உதவி பொறியாளா் அஜ்மீா் உள்பட அரசு அலுவலா்கள் பலா்கலந்து கொண்டனா்.