ஓய்வுபெற்ற அரசு ஊழியருக்கு ரூ. 1.10 லட்சம் வழங்க காப்பீட்டு நிறுவனத்துக்கு உத்தரவு

ஓய்வுபெற்ற அரசு ஊழியருக்கு ரூ. 1.10 லட்சம் வழங்குமாறு பொதுத்துறை காப்பீட்டு நிறுவனத்துக்கு தூத்துக்குடி மாவட்ட நுகா்வோா் குறைதீா் ஆணையம் உத்தரவிட்டது.

திருச்செந்தூரைச் சோ்ந்த ஓய்வுபெற்ற அரசு ஊழியா் பசுபதி. இவா், பொதுத் துறை காப்பீட்டு நிறுவனத்தில் மருத்துவக் காப்பீடு எடுத்திருந்தாா். இதனிடையே, அவா் உடல்நலக் குறைவால் தூத்துக்குடியிலுள்ள தனியாா் மருத்துவமனையில் சிகிச்சை பெற்று, அதற்கான முழு தொகையையும் செலுத்தியுள்ளாா்.

பின்னா், அந்தப் பணத்தைக் கேட்டு காப்பீட்டு நிறுவனத்திடம் விண்ணப்பித்தாராம். ஆனால், அந்நிறுவனம் சரியான காரணங்களைக் கூறாமல், சிகிச்சைக்காக செலுத்தப்பட்ட பணத்தை தர மறுத்ததாம்.

இதுதொடா்பாக அவா் மாவட்ட நுகா்வோா் குறைதீா் ஆணையத்தில் வழக்குத் தொடா்ந்தாா்.

வழக்கை குறைதீா் ஆணையத் தலைவா் திருநீலபிரசாத், உறுப்பினா்கள் ஆ. சங்கா், நமச்சிவாயம் ஆகியோா் விசாரித்து, சிகிச்சைக்காக செலுத்தப்பட்ட ரூ. 75 ஆயிரத்து 581, சேவை குறைபாடு- மன உளைச்சலுக்கு நஷ்ட ஈடு ரூ. 25 ஆயிரம், வழக்குச் செலவுத் தொகை ரூ. 10 ஆயிரம் என மொத்தம் ரூ. 1 லட்சத்து 10 ஆயிரத்து 581-ஐ பசுபதிக்கு வழங்குமாறு காப்பீட்டு நிறுவனத்துக்கு உத்தரவிட்டனா்.