ரயிலில் அடிபட்டு இளம்பெண் பலி

கோவில்பட்டி அருகே ரயிலில் அடிபட்டு இளம்பெண் உயிரிழந்தாா்.

கோவில்பட்டி-கடம்பூா் ரயில் நிலையங்களுக்கு இடையே குருமலை கிராமம் அருகே தண்டவளாகத்தில் இளம்பெண் சடலம் கிடப்பதாக தூத்துக்குடி ரயில்வே போலீஸாருக்கு தகவல் கிடைத்தது.

அதையடுத்து போலீஸாா் சடலத்தை மீட்டு கூறாய்வுக்காக கோவில்பட்டி அரசு மருத்துவமனைக்கு அனுப்பினா்.

விசாரணையில், அவா் கயத்தாறு வட்டம் மும்மலைப்பட்டி வடக்கு தெருவை சோ்ந்த எட்டப்பன் மகள் ராஜலட்சுமி (27) என்பது தெரிய வந்தது.

இவா் தண்டவாளத்தைக் கடக்க முயன்றபோது ரயிலில் அடிபட்டு இறந்தாரா அல்லது தற்கொலை செய்து கொண்டாரா என்பது குறித்து போலீஸாா் விசாரணை நடத்தி வருகின்றனா்.