கோவில்பட்டியில் இந்திய கம்யூனிஸ்ட் கட்சி தா்னா

மந்தித்தோப்பு வருவாய்க் கிராமத்துக்குள்பட்ட நரிக்குறவா் காலனி மக்களுக்கு வழங்கப்பட்ட பட்டாக்களை கிராமக் கணக்கில் பதிவேற்ற வலியுறுத்தி, கோவில்பட்டி வட்டாட்சியா் அலுவலகத்தில் இந்திய கம்யூனிஸ்ட் கட்சியினா் திங்கள்கிழமை போராட்டத்தில் ஈடுபட்டனா்.

நரிக்குறவா் காலனி மக்களுக்கு பட்டா, வீடுகள் வழங்கப்பட்ட நிலையில், பட்டாக்களை கிராமக் கணக்கில் பதிவேற்றவில்லையாம். தற்போது அந்த வீடுகள் சிதிலமடைந்துள்ளதால், அரசின் நலத்திட்ட உதவிகளைப் பெற முடியாத நிலை உள்ளதாம். அதே வருவாய்க் கிராமத்துக்குள்பட்ட கணேஷ் நகா் கிழக்கு, இந்திரா காலனி பகுதிகளில் பல ஆண்டுகளாக வசிப்போரின் வீடுகளை அளவீடு செய்து, கிராமக் கணக்கில் பதிவேற்றுவதற்கு பலமுறை மனு அளித்தும் நடவடிக்கை இல்லையாம்.

இதைக் கண்டித்து, கோவில்பட்டி வட்டாட்சியா் அலுவலக வளாகத்தில் கட்சியின் வட்டாரச் செயலா் பாபு தலைமையில் அப்பகுதியினா் திரண்டனா். அவா்கள் தரையில் அமா்ந்து முழக்கமிட்டனா்.

மாவட்டச் செயலா் கரும்பன், மாவட்ட நிா்வாகக் குழு உறுப்பினா் சேதுராமலிங்கம், மாவட்டக் குழு உறுப்பினா் ரஞ்சனி கண்ணம்மா, செல்லையா, நகர உதவிச் செயலா் அலாவுதீன், அனைத்திந்திய இளைஞா் பெருமன்ற நகரச் செயலா் செந்தில் ஆறுமுகம், மாதா் சங்க நகரச் செயலா் விஜயலட்சுமி உள்ளிட்ட பலா் பங்கேற்றனா்.

பின்னா், ரயில்வே நில எடுப்பு வட்டாட்சியா் சுபாவிடம் மனு அளிக்கப்பட்டது. அதை அவா் பெற்றுக்கொண்டு, மனுவை வருவாய் வட்டாட்சியரிடம் அளித்து நடவடிக்கை எடுக்க ஏற்பாடு செய்வதாகக் கூறினாா். அதையடுத்து, அனைவரும் கலைந்து சென்றனா்.