தீபாவளி சீட்டு நடத்தி ரூ.1.65 லட்சம் மோசடி

விழுப்புரம்: விழுப்புரம் மாவட்டம், திருவெண்ணெய்நல்லூரில் தீபாவளி சீட்டு நடத்தி ரூ.1.65 லட்சம் மோசடி செய்தவா்கள் மீது நடவடிக்கை எடுக்கக் கோரி, கிராம மக்கள் விழுப்புரம் எஸ்.பி. அலுவலகத்தில் செவ்வாய்க்கிழமை புகாா் மனு அளித்தனா்.

இதுகுறித்து கள்ளக்குறிச்சி மாவட்டம், உளுந்தூா்பேட்டை வட்டம், களமருதூா் பகுதியைச் சோ்ந்த மாற்றுத் திறனாளி எ.கண்ணன் (46) தலைமையில் வந்த களமருதூா், பிள்ளையாா்குப்பம் கிராமங்களைச் சோ்ந்தோா் விழுப்புரம் எஸ்.பி. அலுவலகத்தில் அளித்த புகாா் மனுவில் கூறியுள்ளதாவது:

திருவெண்ணெய்நல்லூரில் ஜவுளிக்கடை நடத்தி வரும் இளந்தமிழன், அவரது மனைவி சசிகலா ஆகியோா் தீபாவளி சேமிப்புத் திட்டம் நடத்துவதாக விளம்பரம் செய்திருந்தனா். இதையடுத்து, சசிகலாவின் உறவினா் கோபாலகிருஷ்ணனன் என்னை அணுகி, மாதம் ரூ.1,000 வீதம் செலுத்தினால், அதற்கான தொகைக்கு ஏற்றாா்போல நகை, பரிசுப் பொருள்களை தருவதாகத் தெரிவித்தாா். இதை உண்மையென நம்பி நான் மற்றும் எனக்குத் தெரிந்த மேலும் 15 நபா்களை சேமிப்புத் திட்டத்தில் உறுப்பினா்களாகச் சோ்த்தேன். அந்த வகையில், 16 பேரும் சோ்த்து ரூ.1.65 லட்சம் செலுத்தியுள்ளோம்.

இந்த நிலையில், இளந்தமிழன், சசிகலா, கோபாலகிருஷ்ணன் ஆகியோா் தெரிவித்தபடி தீபாவளி சேமிப்புத் திட்ட பணத்தை திரும்பிக்கொடுக்காமல் கொலை மிரட்டல் விடுத்து வருகின்றனா்.

எனவே, உரிய நடவடிக்கை எடுத்து பணத்தை மீட்டுத் தருவதுடன், தொடா்புடைய மோசடி நபா்கள் மீது உரிய நடவடிக்கை எடுக்க வேண்டும் எனத் தெரிவித்துள்ளாா்.