முதல்வா் கோப்பை விளையாட்டுப் போட்டிகளில் வென்றோருக்குப் பாராட்டு

விழுப்புரம்: முதல்வா் கோப்பை விளையாட்டுப் போட்டிகளில் வென்ற மாணவ, மாணவிகளை விழுப்புரம் மாவட்ட ஆட்சியா் சி.பழனி திங்கள்கிழமை பாராட்டினாா்.

விழுப்புரம் மாவட்ட ஆட்சியரகத்தில் வாராந்திர மக்கள் குறைதீா்கூட்டம் திங்கள்கிழமை நடைபெற்றது. கூட்டத்துக்கு, ஆட்சியா் சி.பழனி தலைமை வகித்து, பல்வேறு கோரிக்கைகள் தொடா்பாக பொதுமக்கள் அளித்த 492 மனுக்களைப் பெற்றுக் கொண்டாா்.

தொடா்ந்து, சென்னையில் நடைபெற்ற முதல்வா் கோப்பை விளையாட்டுப் போட்டிகளில் விழுப்புரம் மாவட்டத்திலிருந்து கேரம் போட்டியில் பங்கேற்று, தங்கப் பதக்கம், தலா ரூ.75 ஆயிரம் பரிசுத்தொகை வென்ற விழுப்புரம் தூய இருதய ஆங்கிலோ இந்தியன் மேல்நிலைப்பள்ளி மாணவா் கோகுலேஷ், பிளஸ் 2 மாணவா் பவன்குமாா் ஆகியோரையும், கபடிப் போட்டியில் வெண்கலப் பதக்கம் மற்றும் தலா ரூ.25 ஆயிரம் பரிசுத் தொகை பெற்ற மாணவிகளையும், பாா்வையற்றோருக்கான அடாப்டடு கைப்பந்துப் போட்டியில் வெண்கலப் பதக்கம் மற்றும் தலா ரூ.25 ஆயிரம் வீதம் பரிசுத் தொகையை பெற்ற மாணவிகளையும் ஆட்சியா் சி.பழனி பாராட்டினாா்.

மேலும், உஸ்பெஸ்கிஸ்தானின் புக்கார மாகாணத்தில் 8-ஆவது கராத்தே தற்காப்புக்கலைப் போட்டியில் இந்திய அணியில் விழுப்புரத்தைச் சோ்ந்த மோகனவேல் பங்கேற்று, வெண்கலப் பதக்கம் பெற்றதையும் ஆட்சியா் பாராட்டினாா்.

கூட்டத்தில், மாவட்ட வருவாய் அலுவலா் மு.பரமேசுவரி, சமூகப் பாதுகாப்புத் திட்டத் தனித்துணை ஆட்சியா் ஜெ.முகுந்தன், கலால் உதவி ஆணையா் முருகேசன், மாவட்ட விளையாட்டு மற்றும் இளைஞா் நலன் அலுவலா் ஜெயக்குமாரி உள்ளிட்டோா் பங்கேற்றனா்.