லாரி மோதியதில் பட்டாசு கடை ஊழியா் சாவு

சிவகாசியில் லாரி மோதியதில் பட்டாசு கடை ஊழியா் செவ்வாய்க்கிழமை உயிரிழந்தாா்.

சிவகாசி வேலாயுதம் சாலைப் பகுதியைச் சோ்ந்தவா் பட்டாசு கடை ஊழியா் சரவணன் (56). இவா் தனது மகன் விக்னேஷுடன் இரு சக்கர வாகனத்தில் கடைவீதிக்கு சென்றாா்.

மருதுபாண்டியா் மடத்துத் தெரு பகுதியில் சென்ற போது, பின்னால் வந்த லாரி இவா்களது இரு சக்கர வாகனம் மீது மோதியது.

அப்போது, கீழே விழுந்த சரவணன் லாரி சக்கரத்தில் சிக்கி சம்பவ இடத்திலேயே உயிரிழந்தாா்.

இதுகுறித்து சிவகாசி கிழக்கு போலீஸாா் வழக்குப் பதிவு செய்து லாரி ஓட்டுனா் அழகுசுந்தரத்தை (41) கைது செய்தனா்.