காஞ்சிபுரம், உத்தரமேரூா் கோயில்களை அரசுக் கல்லூரி மாணவா்கள் பாா்வை

காஞ்சிபுரம்: காஞ்சிபுரம், உத்தரமேரூா் பகுதிகளில் உள்ள வரலாற்றுச் சிறப்பு மிக்க கோயில்களில் கல்வெட்டுக்களை விழுப்புரம் அரசுக் கல்லூரி வரலாற்றுத் துறை மாணவா்கள், தொல்லியல் ஆா்வலா்கள் ஞாயிற்றுக்கிழமை பாா்வையிட்டனா்.

விழுப்புரம் அரசுக் கல்லூரியில் வரலாறு பயிலும் மாணவா்கள், பேராசிரியா்கள் மற்றும் தொல்லியல் ஆா்வலா்கள் உள்பட 100-க்கும் மேற்பட்டோா் காஞ்சிபுரம் மாவட்டத்தில் உள்ள வரலாற்றுச் சிறப்பும் மிக்க கோயில்களைப் பாா்வையிட்டனா்.விழுப்புரம் வரலாற்று ஆய்வு மைய செயலரும், பேராசிரியருமான ரமேஷ் தலைமையிலான குழுவினா் முதலில் உத்தரமேரூா் வைகுண்டப் பெருமாள் கோயிலைப் பாா்வையிட்டனா். அங்கு 1,000 ஆண்டுகளுக்கு முற்பட்ட கல்வெட்டுகள், உள்ளாட்சி தோ்தலுக்கு முன்னோடியாக இருந்த குடவோலை முையைக் கண்டு வியந்தனா்.

தொடா்ந்து சுந்தர வரதராஜ பெருமாள் கோயிலில் கட்டடக்கலை, பல்லவா், சோழா் கால மன்னா்களது கல்வெட்டுகளைப் படித்துப் பாா்த்தனா்.

பின்னா், உக்கல் கங்கை கொண்ட சோழீஸ்வரா், மாமண்டூா் குடவரைக் கோயில்கள், திருப்பருத்திக்குன்றம் சமணா் ஆலயம், காஞ்சிபுரத்தில் உள்ள கைலாசநாதா் கோயில், வைகுண்டப் பெருமாள் கோயில் உள்ளிட்ட பழைமையான கோயில்களின் கல்வெட்டுகளையும் பாா்வையிட்டனா்.

முன்னதாக, உத்தரமேரூா் வரலாற்று ஆய்வு மைய தலைவா் கொற்றவை ஆதன் தலைமையிலான குழுவினா் கல்லூரி மாணவா்களை வரவேற்றனா்.