காவலா் வீரவணக்க நாள்: 63 குண்டுகள் முழங்க மரியாதை.

ஸ்ரீபெரும்புதூா்: காவலா் வீரவணக்க நாளை முன்னிட்டு, காஞ்சிபுரம் மாவட்ட காவலா் பயிற்சி மைதானத்தில் 63 துப்பாக்கி குண்டுகள் முழங்க அஞ்சலி செலுத்தப்பட்டது.

கடந்த 1959-ஆம் ஆண்டு அக்டோபா் 21-ஆம் தேதி லடாக் பகுதியில் சீன ராணுவத்தினா் மறைந்திருந்து நடத்திய தாக்குதலில் மத்திய பாதுகாப்புப் படை காவலா்கள் உயிரிழந்தனா். உயிரிழந்த காவலா்களை நிணைவு கூறும் வகையில், ஆண்டுதோறும் அக். 21-ஆம் தேதி காவலா் வீரவணக்க நாள் அனுசரிக்கப்பட்டு வருகிறது.

இந்த நிலையில், காஞ்சிபுரம் தற்காலிக காவலா் பயிற்சி மைதானத்தில் மாவட்ட காவல் கண்காணிப்பாளா் சண்முகம் தலைமையில், களில் வீரமரணம் அடைந்த காவலா்களுக்கு 63 துப்பாக்கி குண்டுகள் முழங்க நிணைவுத்தூணுக்கு மலா் வளையம் வைத்து வீரவணக்கம் செலுத்தப்பட்டது.

இதையடுத்து எஸ்.பி. தலைமையில் போலீஸாா் பயங்காரவாத எதிா்ப்பு உறுதிமொழி ஏற்றுக் கொண்டனா். இதில், காஞ்சிபுரம் மாவட்ட காவல் அதிகாரிகள், ஆய்வாளா்கள், தலைமைக் காவலா்கள், காவலா்கள் கலந்து கொண்டனா்.