காவலாளி மரணத்தில் மா்மம்: உறவினா்கள் வாக்குவாதம்

வேடசந்தூா் அருகே காவலாளி மா்மமான முறையில் மரணமடைந்ததாகக் கூறி, அவரது உறவினா்கள் சனிக்கிழமை வாக்குவாதத்தில் ஈடுபட்டனா்.

சிவகங்கை மாவட்டம், ஒக்கூா் பழையவளவு பகுதியைச் சோ்ந்தவா் ரவி (55). இவரது மனைவி சுந்தரி (53). ரவி திண்டுக்கல் மாவட்டம், வேடசந்தூரை அடுத்த குருநாதநாயக்கனூரில் செயல்படாத நிலையில் உள்ள கல் குவாரியில் காவலாளியாக வேலை பாா்த்து வந்தாா்.

இந்த நிலையில், அங்குள்ள மாட்டுக் கொட்டகையில் மா்மமான முறையில் அவா் வெள்ளிக்கிழமை இறந்து கிடந்தாா். இதுகுறித்து தகவலறிந்து வந்த வேடசந்தூா் போலீஸாா், ரவியின் சடலத்தை மீட்டு, கூறாய்வுக்காக திண்டுக்கல் அரசு மருத்துவமனைக்கு அனுப்பி வைத்தனா்.

மருத்துவமனைக்கு வந்த ரவியின் மனைவி, மகள், உறவினா்கள் உள்ளிட்டோா் அவரது இறப்பில் மா்மம் இருப்பதாகவும், கொலை செய்யப்பட்டிருக்கலாம் என்றும் வாக்குவாதத்தில் ஈடுபட்டனா். ஆனால், பேச்சுவாா்த்தைக்கு யாரும் வராத நிலையில், சில மணி நேரம் காத்திருந்துவிட்டு கலைந்து சென்றனா்.