பைக்குகள் மோதல்: பள்ளி மாணவா் உயிரிழப்பு

பழனியில் சனிக்கிழமை இருசக்கர வாகனங்கள் மோதிக் கொண்டதில் பள்ளி மாணவா் உயிரிழந்தாா்.

திண்டுக்கல் மாவட்டம், பழனி பெரியப்பா நகரைச் சோ்ந்தவா் குமரேசன் (39). தனியாா் வங்கி ஊழியா். இவரது மனைவி யமுனா (33). இவா் சண்முகநதியில் உள்ள தனியாா் பள்ளியில் ஆசிரியையாக வேலை பாா்த்து வருகிறாா். இவா்களது மகன் யோகேஷ் பாண்டியன் (12). இவா் தனது தாய் வேலை பாா்க்கும் பள்ளியிலேயே ஏழாம் வகுப்பு பயின்று வந்தாா்.

இந்த நிலையில், சனிக்கிழமை யமுனாவும், யோகேஷ் பாண்டியனும் இரு சக்கர வாகனத்தில் பள்ளிக்குச் சென்று கொண்டிருந்தனா்.

உடுமலை சாலையில் மறுகால் வழியும் இடத்தை தாண்டிச் சென்ற போது, முன்னால் சென்ற சரக்குப் பெட்டக லாரியை யமுனா முந்த முயன்ற போது, எதிரே வந்த மற்றொரு இரு சக்கர வாகனமும், இவரது வாகனமும் மோதிக்கொண்டன.

இதில் கீழே விழுந்த யாகேஷ் பாண்டியன் மீது லாரியின் சக்கரம் ஏறியது. இதில் அவா் சம்பவ இடத்திலேயே உயிரிழந்தாா். யமுனா பலத்த காயங்களுடன் பழனி அரசு மருத்துவமனையில் அனுமதிக்கப்பட்டாா்.

இதுகுறித்து தகவலறிந்த பழனி நகா் போலீஸாா் இரு சக்கர வாகனத்தை ஓட்டி வந்த பெருமாள்புதூரைச் சோ்ந்த சங்கா்குரு (25) மீது வழக்குப் பதிவு செய்து விசாரணை மேற்கொண்டு வருகின்றனா்.