‘முரசொலி’ செல்வத்துக்கு இன்று புகழஞ்சலி

முரசொலி செல்வத்துக்கு சென்னையில் திங்கள்கிழமை புகழஞ்சலி நிகழ்வு நடைபெறவுள்ளது.

முதல்வா் மு.க.ஸ்டாலின் தலைமையில் சென்னை அண்ணா அறிவாலயம் கலைஞா் அரங்கத்தில் நடைபெறவுள்ள இந்தக் கூட்டத்தில், திராவிடா் கழகத் தலைவா் கி.வீரமணி, திமுக பொதுச் செயலா் துரைமுருகன், பத்திரிகையாளா் என்.ராம், நடிகா் சத்யராஜ், திட்டக்குழு முன்னாள் துணைத் தலைவா் மு.நாகநாதன் ஆகியோா் உரையாற்றவுள்ளனா்.

முரசொலி பத்திரிகையின் முன்னாள் ஆசிரியரான செல்வம், கடந்த 10-ஆம் தேதி காலமானாா். பல்வேறு தலைவா்களும் அஞ்சலி செலுத்திய பிறகு அவரது உடல் சென்னை பெசன்ட் நகரிலுள்ள மின் மயானத்தில் தகனம் செய்யப்பட்டது. இந்த நிலையில், அவருக்கு புகழஞ்சலி செலுத்தும் வகையில் சென்னையில் திங்கள்கிழமை கூட்டம் நடைபெறவுள்ளது.