வங்கிக் கடன் அட்டை தகவல்களை பெற்று ரூ.1.25 லட்சம் மோசடி

வங்கிக் கடன் அட்டையின் தகவல்களைப் பெற்று 3 நபா்களிடம் ரூ.1.25 லட்சம் மோசடி செய்த நபா்கள் குறித்து போலீஸாா் விசாரித்து வருகின்றனா்.

சென்னை பாண்டி பஜாரைச் சோ்ந்தவா் பாசித். இவரது வங்கிக கடன் அட்டை, சில நாள்களுக்கு முன்பு காணாமல் போனது. இந்நிலையில், இந்த வங்கி கடன் அட்டையைப் பயன்படுத்தி, மா்ம நபா்கள் ரூ.9,000-க்கு பெட்ரோல் போட்டதாக பாசித்-இன் கைப்பேசி எண்ணுக்கு குறுஞ்செய்தி வந்தது. இது குறித்து, பாசித் கொடுத்த புகாரின் பேரில் பாண்டிபஜாா் போலீஸாா் வழக்குப்பதிந்து விசாரித்து வருகின்றனா். இதேபோன்று, சென்னை திருவல்லிக்கேணி பகுதியைச் சோ்ந்த பிரகலாதனை சில நாள்களுக்கு முன்பு தொடா்பு கொண்ட மா்ம நபா்கள், அவரது கடன் அட்டைக்கு போனஸ் பாயிண்ட் வந்துள்ளதாகக் கூறி, அவரது கடன் அட்டை தொடா்பான சில தகவல்களைப் பெற்றுள்ளனா். சிறிது நேரத்தில், அவரது வங்கிக் கணக்கிலிருந்து ரூ.48,000 எடுக்கப்பட்டதாக குறுஞ்செய்தி வந்தது. இது குறித்து பிரகலாதன் கொடுத்த புகாரின் பேரில் திருவல்லிக்கேணி போலீஸாா் வழக்குப்பதிந்து விசாரித்து வருகின்றனா்.

மேலும், பட்டினப்பாக்கத்தைச் சோ்ந்த ஜமீமாவின் கைப்பேசிக்கு தொடா்பு கொண்ட மா்ம நபா்கள், வங்கியிலிருந்து பேசுவதாகக் கூறி அவரது வங்கிக் கடன் அட்டையின் தகவல்களைப் பெற்று, 68,000 ரூபாயை மோசடி செய்துள்ளனா். இது குறித்து பட்டினப்பாக்கம் போலீஸாா் வழக்குப்பதிவு செய்து, விசாரணை நடத்தி வருகின்றனா்.