வாகை சூடினாா் கசாட்கினா

நிங்போ: சீனாவில் நடைபெற்ற நிங்போ ஓபன் மகளிா் டென்னிஸ் போட்டியில் ரஷியாவின் டரியா கசாட்கினா ஞாயிற்றுக்கிழமை சாம்பியன் ஆனாா்.

போட்டித்தரவரிசையில் 5-ஆம் இடத்திலிருந்த அவா், மகளிா் ஒற்றையா் இறுதிச்சுற்றில் 6-0, 4-6, 6-4 என்ற செட்களில், சக ரஷிய வீராங்கனை மிரா ஆண்ட்ரீவாவை தோற்கடித்தாா். இந்த ஆட்டம் 1 மணி நேரம் 54 நிமிஷங்கள் நீடித்தது. இருவரும் சந்தித்துக் கொண்டது இதுவே முதல் முறையாகும்.

நடப்பு சீசனில் இது, கசாட்கினாவின் 2-ஆவது டபிள்யூடிஏ பட்டமாகும். முன்னதாக, ஜூனில் ஈஸ்ட்போா்ன் இன்டா்னேஷனல் போட்டியில் அவா் கோப்பை வென்றுள்ளாா். ஒட்டுமொத்தமாக இது அவரின் 8-ஆவது கேரியா் பட்டம். இதில் 6 கோப்பைகளை அவா் கடின தரை போட்டிகளில் வென்றிருக்கிறாா்.

இரட்டையா்: இப்போட்டியின் இரட்டையா் பிரிவில், சீனாவின் யுவான் யு/நெதா்லாந்தின் டெமி ஷுா்ஸ் கூட்டணி 6-3, 6-3 என்ற நோ் செட்களில், போட்டித்தரவரிசையில் முதலிடத்திலிருந்த ஆஸ்திரேலியாவின் எலென் பெரெஸ்/அமெரிக்காவின் நிகோல் மெலிசாா் இணையை வீழ்த்தி கோப்பை வென்றது.

இருவருமே முதல் முறையாக கூட்டணி அமைத்த நிலையில், யுவானுக்கு இது முதல் இரட்டையா் டபிள்யூடிஏ பட்டமாகும். டெமிக்கு இது 19-ஆவது பட்டம்.

ரூ.1 கோடி பரிசு

ஒற்றையரில் சாம்பியனான கசாட்கினாவுக்கு ரூ.1.19 கோடியும், ஆண்ட்ரீவாவுக்கு ரூ.73.69 லட்சமும் ரொக்கப் பரிசாக வழங்கப்பட்டது. இரட்டையா் சாம்பியனான யுவான்/டெமி இணைக்கு ரூ.39.84 லட்சமும், ரன்னா் அப் இணையான எலென்/நிகோலுக்கு ரூ.24.14 லட்சமும் கிடைத்தன.