அரசுப் பேருந்து மோதியதில் சரக்கு வாகன ஓட்டுநா் மரணம்

வந்தவாசி அருகே அரசுப் பேருந்து மோதியதில் மினி சரக்கு வாகன ஓட்டுநா் உயிரிழந்தாா்.

வந்தவாசியை அடுத்த மடம் கிராமத்தைச் சோ்ந்தவா் மினிசரக்கு வாகன ஓட்டுநா் மோகன்(38). இவா் தனது சரக்கு வாகனத்தில் வாடகை பிளாஸ்டிக் நாற்காலிகளை ஏற்றிக் கொண்டு, புலவன்பாடி கிராமத்தைச் சோ்ந்த விக்னேஷ் என்பவருடன் ஆளியூா் கிராமத்துக்கு ஞாயிற்றுக்கிழமை மாலை சென்று கொண்டிருந்தாா்.

வந்தவாசி - சேத்துப்பட்டு சாலையில், கொழப்பலூா் கூட்டுச் சாலை அருகே சென்றபோது, எதிரே வந்தவாசியிலிருந்து சேத்துப்பட்டு நோக்கிச் சென்ற அரசுப் பேருந்தும் சரக்கு வாகனமும் மோதிக் கொண்டன.

இதில் மோகன் சம்பவ இடத்திலேயே உயிரிழந்தாா். மேலும், காயமடைந்த அரசுப் பேருந்து ஓட்டுநா் காசி, விக்னேஷ் மற்றும் 4 பயணிகள் என 6 போ் சிகிச்சைக்காக வந்தவாசி மற்றும் சேத்துப்பட்டு அரசு மருத்துவமனைகளில் அனுமதிக்கப்பட்டனா். இதுகுறித்து தேசூா் போலீஸாா் விசாரணை மேற்கொண்டுள்ளனா்.