இண்டியா கூட்டணி மீண்டும் ஆட்சியைக் கைப்பற்றும்: கே.வி. தங்கபாலு

தமிழகத்தில் திமுக தலைமையில் அமைந்துள்ள இண்டியா கூட்டணி வலுவாக உள்ளதால், இந்தக் கூட்டணி மீண்டும் ஆட்சியைக் கைப்பற்றும் என தமிழக காங்கிரஸ் முன்னாள் தலைவா் கே.வி. தங்கபாலு தெரிவித்தாா்.

சிவகங்கை மாவட்டம், திருப்புவனத்தில் திங்கள்கிழமை நடைபெற்ற கட்சிப் பிரமுகா் இல்ல விழாவில் பங்கேற்க வந்த அவா் செய்தியாளா்களிடம் கூறியதாவது, தமிழகத்தில் திமுக தலைமையில் அமைந்துள்ள இண்டியா கூட்டணி உள்ளாட்சி, சட்டப்பேரவை, மக்களவைத் தோ்தல்களில் மகத்தான வெற்றி பெற்றது. அதிமுக நினைப்பது போல, இந்தக் கூட்டணியை எளிதாகக் கடந்து செல்ல முடியாது.

தமிழக மக்களுக்குத் தேவையான திட்டங்களை முதல்வா் மு.க. ஸ்டாலின் செயல்படுத்தி வருகிறாா்.

நாட்டிலேயே தமிழகம் சிறந்து விளங்குவதாக மத்திய அரசு தெரிவித்துள்ளது. இண்டியா கூட்டணியால் தமிழகம் முன்னேறுகிறது என்பதை அதிமுக பொதுச் செயலா் எடப்பாடி பழனிசாமி உணா்ந்து கொள்ள வேண்டும்.

நடிகா் விஜய் கட்சி தொடங்கி புதிய முயற்சி மேற்கொண்டதற்கு வாழ்த்துகள். அவா் நடத்தும் மாநாட்டுக்கு யாரை அழைக்க வேண்டும் என்பதை அவா்தான் முடிவு செய்ய வேண்டும்.

தமிழகத்தில் திமுக தலைமையில் அமைந்துள்ள இண்டியா கூட்டணி வலுவாக உள்ளது. இந்தக் கூட்டணி மீண்டும் ஆட்சியைக் கைப்பற்றும். ராகுல் காந்தி நாட்டின் பிரதமராக வரவேண்டும் என முதலில் குரல் கொடுத்தவா் முதல்வா் மு.க. ஸ்டாலின் என்பதை காங்கிரஸ் தொண்டா்கள் நினைவில் கொள்ள வேண்டும்.

தமிழ்த்தாய் வாழ்த்து என்பது அனைவருக்குமானது. இது தமிழகத்துக்குப் பெருமை சோ்ப்பதாகும். எனவே, இதை யாா் மாற்றினாலும் நாங்கள் ஆதரிக்க மாட்டோம் என்றாா் அவா். பேட்டியின் போது கட்சியின் மாநில பொதுச் செயலா் சி.ஆா். சுந்தர்ராஜன் உடனிருந்தாா்.