இளையான்குடி ஒன்றியத்தில் புதிதாக அமைக்கப்பட்ட சாலை சேதம்

சிவகங்கை மாவட்டம், இளையான்குடி ஒன்றியத்தில் இண்டாங்குளம் கிராமத்துக்குச் செல்ல அண்மையில் அமைக்கப்பட்ட தாா்ச்சாலை சேதமடைந்ததாக கிராம மக்கள் புகாா் தெரிவித்தனா்.

காரைக்குளம் ஊராட்சியைச் சோ்ந்த இண்டாங்குளம் கிராமத்துக்குச் செல்லும் வழியில் உள்ள பாலம் கடந்த மூன்று மாதங்களுக்கு முன்பு மராமத்து செய்யப்பட்டது.

இதைத்தொடா்ந்து, பாலத்தின் மேல் சில நாள்களுக்கு முன்பு புதிதாக தாா்ச் சாலை அமைக்கப்பட்டது. இந்த நிலையில், தற்போது இந்தச் சாலையின் ஓரங்களில் பல இடங்களில் விரிசல் ஏற்பட்டு, சாலை சேதமடைந்து பெயா்ந்து வருகிறது.

இதனால், இந்த வழியாகச் செல்லும் வாகன ஓட்டிகள் மிகவும் அவதிக்குள்ளாகி வருகின்றனா்.

தரம் இல்லாமல் சாலை அமைக்கப்பட்டதால், சில வாரங்களிலேயே சாலை சேதமடைந்தது. எனவே, இந்தச் சாலையை மீண்டும் சீரமைத்து தர வேண்டும் என இண்டாங்குளம் கிராம மக்கள் வலியுறுத்தினா்.