கூலித் தொழிலாளி தூக்கிட்டுத் தற்கொலை

இலுப்பூா் அருகே வயிற்றுவலியால் அவதிப்பட்டு வந்த கூலித் தொழிலாளி தூக்கிட்டுத் தற்கொலை செய்து கொண்டாா்.

இலுப்பூா் அடுத்துள்ள எண்ணை கிராமத்தைச் சோ்ந்தவா் வெள்ளைச்சாமி (59). கூலித் தொழிலாளி. இவருக்கு, கடந்த 31 ஆண்டுகளுக்கு முன்னா் திருமணமாகி 2 ஆண், ஒரு பெண் குழந்தைகள் உள்ளனா். இவருக்கு தீராத வயிற்று வலி இருந்து வந்த நிலையில், பல்வேறு இடங்களில் சிகிச்சை பெற்றுவந்தும் குணமடையவில்லையாம். இதனால், கடந்த சில நாட்களாக மன உளைச்சலில் இருந்து வந்துள்ளாா்.

கடந்த 17-ஆம் தேதி வியாழக்கிழமை அவருக்கு மீண்டும் வயிற்று வலி ஏற்பட்டதாம். இதனால், விரக்தியடைந்த அவா் தனது வீட்டின் அருகே இருந்த மரத்தில் தூக்கிட்டுத் தற்கொலை செய்து கொண்டாா்.

இதுகுறித்து வெள்ளைச்சாமி மகன் சரவணன்(30) இலுப்பூா் காவல் நிலையத்தில் அளித்த புகாரின் பேரில், போலீஸாா் சம்பவ இடத்துக்குச்சென்று சடலத்தை மீட்டு கூறாய்வுக்காக இலுப்பூா் அரசு மருத்துவமனைக்கு அனுப்பிவைத்தனா். மேலும், வழக்கு பதிந்து விசாரிக்கின்றனா்.