சிங்கப்பூரில் மத்திய அமைச்சா் தா்மேந்திர பிரதான்: கல்வித் துறையில் ஒத்துழைப்பு மேம்படுத்த ஆலோசனை

இந்தியா மற்றும் சிங்கப்பூா் இடையே கல்வித்துறையில் மேம்பட்ட ஒத்துழைப்பு மற்றும் பரஸ்பர நலன் குறித்து அந்நாட்டு அமைச்சா்களுடன் ஆலோசிக்க இருப்பதாக மத்திய கல்வி அமைச்சா் தா்மேந்திர பிரதான் ஞாயிற்றுக்கிழமை தெரிவித்தாா்.

கல்வித் துறையில் பரஸ்பர ஒத்துழைப்பு, கூட்டாற்றல் மற்றும் பங்கேற்பை வளா்க்கும் நோக்கில் சிங்கப்பூா் மற்றும் ஆஸ்திரேலியாவுக்கு தா்மேந்திர பிரதான் அக்டோபா் 20-ஆம் தேதி முதல் 7 நாள் சுற்றுப்பயணம் மேற்கொள்கிறாா். அதன் முதல் கட்டமாக ஞாயிற்றுக்கிழமை சிங்கப்பூா் வந்தடைந்த அவா் செய்தியாளா்களிடம் கூறியதாவது:

இந்தியா-சிங்கப்பூா் இடையே செயற்கை நுண்ணறிவு மற்றும் உயிரி தொழில்நுட்பம் பேன்ற எதிா்கால துறை சாா்ந்த கல்வியில் ஒத்துழைப்பை மேம்படுத்தும் சாத்தியக்கூறுகளை ஆராய உள்ளோம். இந்திய சந்தையுடன் சிங்கப்பூா் இயற்கையான தொடா்பை கொண்டுள்ளது. எதிா்காலத்தில் இரு நாடுகளும் பெரிய அளவில் இணைந்து செயலாற்ற உள்ளது என்றாா்.

இந்த இரண்டு நாள் சுற்றுப்பயணத்தின் போது பிரதான், அந்நாட்டின் பிரதமா் லாரன்ஸ் வோங், துணை பிரதமா் கன்கிம் யோங், கல்வி அமைச்சா் கான்சுன் சிங் மற்றும் வெளியுறவுத் துறை அமைச்சா் விவியன் பாலகிருஷ்ணன் ஆகியோரைச் சந்திக்க உள்ளாா்.

மேலும், ‘சிங்கப்பூரின் புகழ்பெற்ற தேசிய பல்கலைக்கழகம் மற்றும் உள்ளூா் இடைநிலைப் பள்ளி ஆகியவற்றை பாா்வையிட உள்ளாா்; செயற்கை நுண்ணறிவை மையமாகக் கொண்டு தயாா் செய்யப்பட்ட பாடத்திட்டம் குறித்து விவாதிக்க உள்ளாா்’ என தெரிவிக்கப்பட்டது.

இதனிடையே, அந்நாட்டில் உள்ள இந்திய வம்சாவளியினரைச் சந்தித்து பேசிய பிரதான், ‘உலக பொருளாதாரத்தை அடுத்த 20 ஆண்டுகளில் இந்தியா வழிநடத்தப் போகிறது. உலக எரிசக்தி சந்தைகளுக்கு மாற்றாக மில்லியன் கணக்கான டன் ஹைட்ரஜனை இந்தியா உற்பத்தி செய்யவுள்ளது’ என்றாா்.