சுமங்கலி விரதம் முடித்து, கணவனை விஷம் வைத்து கொன்ற மனைவி... என்ன நடந்தது?

வட இந்தியாவில் கணவன் நீண்ட நாள் உயிரோடு இருக்கவேண்டும் என்பதற்காக பெண்கள் கர்வா செளத் எனப்படும் ஒரு வித பண்டிகையை கொண்டாடுவர். அன்றைய தினம் பெண்கள் விரதம் இருந்து நிலவு வெளிச்சத்தில் கணவன் முகத்தை பார்ப்பது வழக்கம். பாலிவுட் நடிகைகள் ஷில்பா ஷெட்டி, சோனாக்‌ஷி சின்ஹா, கேத்ரீனா கைஃப் போன்ற முன்னணி நடிகைகள் இந்த விரதத்தில் கலந்து கொண்டனர்.

உத்தரப்பிரதேச மாநிலம் கெளஷாம்பி மாவட்டத்தில் உள்ள இஸ்மாயில்பூர் லால்பகதூர் சாஸ்திரி நகரில் வசிக்கும் சவிதா என்ற பெண்ணும் தனது கணவன் நீண்ட ஆயுளுடன் வாழவேண்டும் என்று வேண்டி விரதம் இருந்தார். மாலையில் விரதத்தை முடித்துக்கொண்ட பிறகு தனது கணவருக்கு வேறு ஒரு பெண்ணுடன் ரகசிய தொடர்பு இருப்பதாக சந்தேகப்பட்டு கணவருடன் வாக்குவாதத்தில் ஈடுபட்டார். சண்டை முடிந்த பிறகு கணவர் சைலேஷிற்கு சவிதா சாப்பாடு வைத்துக்கொடுத்தார். ஆனால் சாப்பிட்ட சிறிது நேரத்தில் சைலேஷ் உடல் நிலை பாதிக்கப்பட்டது.

உடனே அவரை அவரது சகோதரர் அகிலேஷ் மருத்துவமனையில் சேர்த்தார். மருத்துவமனையில் வாக்குமூலம் கொடுத்துள்ள சைலேஷ், மனைவி தனக்கு சாப்பாட்டில் விஷம் வைத்துவிட்டதாக தெரிவித்துள்ளார். அகிலேஷும் தனது சகோதரனுக்கு அவரது மனைவி சாப்பாட்டில் விஷம் வைத்துவிட்டதாக தெரிவித்துள்ளார். சிகிச்சையின் போது சைலேஷ் பரிதாபமாக உயிரிழந்துவிட்டார். இது குறித்து போலீஸார் வழக்குப்பதிவு செய்து விசாரித்து வந்தனர். கணவன் இறந்துவிட்ட செய்தியை கேள்விப்பட்டதும் சவிதா தலைமறைவாகிவிட்டார். ஆனால் அவரை தேடி கண்டுபிடித்து கைது செய்துள்ளனர். சைலேஷ் உடல் பிரேத பரிசோதனைக்கு அனுப்பி வைக்கப்பட்டது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb