தமிழ் திறனறித் தோ்வு: 5806 மாணவா்கள் எழுதினா்

தமிழ் திறனறித் தோ்வில் திண்டுக்கல் மாவட்டத்தைச் சோ்ந்த 5806 போ் சனிக்கிழமை கலந்து கொண்டனா்.

பள்ளி மாணவா்களிடையே தமிழ்மொழி இலக்கியத் திறனை மேம்படுத்தும் நோக்கில், கடந்த ஆண்டு முதல் தமிழ் திறனறித் தோ்வு நடத்தப்பட்டு வருகிறது. 11-ஆம் வகுப்பு மாணவா்கள் மட்டுமே இந்த தோ்வில் பங்கேற்கலாம்.

இதன்படி நிகழாண்டுக்கான தமிழ் திறனறிவுத் தோ்வுக்கு, திண்டுக்கல் மாவட்டத்தைச் சோ்ந்த 6023 மாணவா்கள் விண்ணப்பித்தனா். இந்த நிலையில் மாவட்டத்தின் பல்வேறு பகுதிகளில் மொத்தம் 23 மையங்களில் நடைபெற்ற தமிழ் திறனறித் தோ்வில் 5806 மாணவா்கள் தோ்வு எழுதினா். 217 போ் தோ்வில் பங்கேற்கவில்லை.

இந்த தோ்வு மூலம் மாநிலம் முழுவதும் 1500 மாணவா்கள் தோ்வு செய்யப்பட்டு, பள்ளிக் கல்வித் துறை மூலம் மாதம் ரூ.1500 வீதம், 2 ஆண்டுகளுக்கு வழங்கப்படுகிறது.

50 சதவீத மாணவா்கள் அரசுப் பள்ளிகளில் இருந்தும், எஞ்சிய 50 சதவீத மாணவா்கள் அரசு, அரசு உதவிப் பெறும், சுய நிதி, சிபிஎஸ்இ, ஐசிஎஸ்இ பள்ளிகளிலிருந்தும் தோ்வு செய்யப்படுகின்றனா்.