பாா்வா்டு பிளாக் கட்சியினா் போலீஸாருடன் தள்ளுமுள்ளு

தேனியில் சாலை மறியலில் ஈடுபட முயன்ற அகில இந்திய பாா்வா்டு பிளாக் கட்சியினரை காவல் துறையினா் தடுத்ததால், அந்தக் கட்சியினருக்கும் போலீஸாருக்கும் இடையே ஞாயிற்றுக்கிழமை தள்ளுமுள்ளு ஏற்பட்டது.

இந்தக் கட்சியில் உசிலம்பட்டி முன்னாள் எம்.எல்.ஏ. கதிரவன், திருப்பூரைச் சோ்ந்த கா்ணன் ஆகியோா் தலைமையில் தமிழகத்தில் இரு அணிகளாகச் செயல்பட்டு வருகின்றனா்.

இந்த நிலையில், திருப்பூா் கா்ணன் தலைமையிலான அணி சாா்பில் தேனியில் ஞாயிற்றுக்கிழமை கட்சியின் மாநில செயற்குழு கூட்டம் நடைபெறுவதாக அறிவிக்கப்பட்டது.

தேனி, சுப்பன் தெருவில் உள்ள தனியாா் திருமண மண்டபத்தில் இந்தக் கூட்டம் நடைபெற இருந்த நிலையில், சட்டம்-ஒழுங்கு பிரச்னை ஏற்பட வாய்ப்பு உள்ளதாகக் கூறி, கூட்டம் நடத்த காவல் துறையினா் அனுமதி அளிக்க மறுத்து விட்டனா். இதனால், கூட்டம் நடைபெற இருந்த மண்டபம் முன்பு போலீஸாருக்கும், கட்சியினருக்கும் இடையே வாக்குவாதம் ஏற்பட்டது.

பின்னா், காவல் துறையைக் கண்டித்து, மாவட்ட பொதுச் செயலா் சக்கரவா்த்தி தலைமையில் ஊா்வலமாகச் சென்று, தேனி-கம்பம் சாலையில் மறியலில் ஈடுபட முயன்றனா். அவா்களை போலீஸாா் தடுத்து நிறுத்த முயன்ற போது அவா்களுக்கும் போலீஸாருக்கும் இடையே தள்ளு முள்ளு ஏற்பட்டது.

பின்னா், தேனி காவல் துணை கண்காணிப்பாளா் சுரேஷ் பேச்சு வாா்த்தை நடத்தியதையடுத்து, பாா்வா்டு பிளாக் கட்சியினா் அங்கிருந்து கலைந்து சென்றனா்.