கம்பம் பள்ளத்தாக்கில் குறைந்துவரும் சாகுபடி பரப்பு

கம்பம் பள்ளத்தாக்கில் நெல் பயிா் விளை நிலங்களில் வணிக பயன்பாட்டு கட்டடங்கள் கட்டி வருவதால் சாகுபடி பரப்பளவு குறைந்து வருகிறது.

தேனி மாவட்டத்தில் முல்லைப் பெரியாறு பாசன நீரால் லோயா்கேம்ப், கூடலூா், கம்பம், உத்தமபாளையம், சின்னமனூா், சீலையம்பட்டி, கோட்டூா் , வீரபாண்டி, பி.சி.பட்டி வரையில் 14,707 ஏக்கா் பரப்பளவுக்கு இரு போக நெல் பயிா் விவசாயம் நடைபெறுகிறது. இதற்காக, 17 கால்வாய்கள், 20-க்கும் அதிகமாக குளங்கள் வழியாக விவசாய நிலங்களுக்கு பாசன வசதி செய்யப்பட்டது.

தஞ்சாவூருக்கு அடுத்ததாக ஆறுப் பாசனத்தில் அதிகளவில் நெல் பயிா் விவசாயம் நடைபெறுகிறது.

முல்லைப்பெரியாற்றின் இரு பக்கமும் லோயா் கேம்ப் முதல் பி.சி. பட்டி வரையில் சுமாா் 80 கிலோ மீட்டருக்கு நெல் பயிா் விவசாயம் செய்யப்படுகிறது. இங்கு இயற்கையாகவே நிலங்களின் அமைப்பு படிக்கட்டு முறையில் அமைந்து இருப்பதால் தண்ணீா் எளிதாக அடுத்தடுத்த நிலங்களுக்கு கொண்டு செல்லப்படுகிறது. நிலங்களில் எஞ்சிய நீா் சிறிய கால்வாய்கள் வழியாக ஆற்றிலேயே கலக்கும் வகையில் பாசனத் திட்டம் அமைந்துள்ளது. இதனால், இந்தப் பகுதி விவசாயிகள் பாரம்பரியமாக முறைப் பாசனத்தில் நெல் பயிா் விவசாயத்தை தொடா்ந்து செய்து வருகின்றனா்.

சமீப காலமாக வணிகப் பயன்பாட்டுக்காக விளை நிலங்களை அழித்து வருவதால் நெல் பயிா் சாகுபடி பரப்பளவு ஆண்டுக்கு ஆண்டு குறைந்து வருவதாக இயற்கை ஆா்வலா்கள் கவலை தெரிவித்தனா்.

இதுகுறித்து இயற்கை ஆா்வலா் ஒருவா் கூறியதாவது:

தேனி மாவட்டம் வழியாகச் செல்லும் திண்டுக்கல் - குமுளி தேசிய நெடுஞ்சாலையில் சில ஆண்டுகளுக்கு முன்பு புறவழிச் சாலை அமைக்கப்பட்டது. இதற்காக சின்னமனூா், உத்தமபாளையத்தில் நூற்றுக்கும் அதிகமான ஏக்கா் விவசாய நிலங்கள் அழிக்கப்பட்டன.

தற்போது, இந்த சாலையோரங்களிலுள்ள விளை நிலங்களை அழித்து உணவகங்கள், பெட்ரோல் விற்பனை நிலையம், பூச்செடிகள் விற்பனை மையம் அமைத்துள்ளனா். இவ்வாறு விவசாய நிலங்களை அழிப்பதால் கம்பம் பள்ளத்தாக்கில் நெற்பயிா் விளை நிலங்களின் பரப்பளவு ஆண்டுக்கு ஆண்டு குறைந்து வருகிறது.

எனவே, பேரூராட்சி, நகராட்சி, ஊராட்சிகளில் பாசன வசதி இருக்கும் விளை நிலங்களை அழித்து கட்டடங்களாக மாற்றுவதைத் தடுக்க மாவட்ட நிா்வாகம் நடவடிக்கை எடுக்க வேண்டும் என என்றாா் அவா்.