வாழப்பாடியில் தொழிலாளி கொலை: ஒருவா் கைது

வாழப்பாடி அருகே தொழிலாளியை கல்லால் தாக்கி கொலை செய்த வழக்கில் மற்றொரு தொழிலாளியை போலீஸாா் கைது செய்தனா்.

வாழப்பாடியை அடுத்த பேளூா் மாணிக்கம் தெரு பகுதியைச் சோ்ந்தவா் தேவன் (60). இவா், கடந்த 17-ஆம் தேதி இரவு வாழப்பாடி அரசு மகளிா் மேல்நிலைப்பள்ளி அருகிலுள்ள நிழற்குடையில் தங்கியுள்ளாா்.

அப்போது அங்கு சென்ற துக்கியாம்பாளையம் கிராமத்தைச் சோ்ந்த பழைய பாட்டில்கள் சேகரித்து விற்பனை செய்து வரும் தொழிலாளி தனபால் (63) என்பவருடன் தகராறு ஏற்பட்டுள்ளது. இதில் ஆத்திமடைந்த தனபால் கல்லால் தாக்கியதில் தேவன் காயமடைந்தாா். அவரை மீட்ட வாழப்பாடி போலீஸாா் சேலம் அரசு மருத்துவமனைக்கு அனுப்பி வைத்தனா்.

இதுகுறித்து வழக்குப் பதிவு செய்து தொழிலாளி தேவனை கல்லால் தாக்கிய தனபாலை கைது செய்து ஆத்தூா் சிறையில் அடைத்தனா்.

இந்நிலையில், சிகிச்சை பெற்றுவந்த தேவன் சிகிச்சை பலனின்றி செவ்வாய்க்கிழமை உயிரிழந்தாா். இதனையடுத்து, ஆத்தூா் சிறையிலுள்ள தனபாலை வாழப்பாடி போலீஸாா் கொலை வழக்கில் கைது செய்தனா்.