விராலிமலை பகுதிகளில் பலத்த மழை

விராலிமலை வட்டாரப் பகுதிகளில் இரண்டாவது நாளாக சனிக்கிழமை இரவு பலத்த மழை பெய்தது. இதில், குடுமியான்மலையில் அதிகபட்சமாக 22 மில்லி மீட்டா் எனப் பதிவாகியுள்ளது.

விராலிமலை, இலுப்பூா், அன்னவாசல் மற்றும் அதன் சுற்று வட்டாரப் பகுதிகளில் கடந்த சில நாள்களாக வெயில் வாட்டி வதைத்து வந்தது. இதனால் பொதுமக்கள் வீட்டுக்குள்ளேயே முடங்கிக் கிடந்தனா். இந்நிலையில், கடந்த வெள்ளிக்கிழமை மாலை சுமாா் மூன்று மணி நேரத்துக்கும் மேலாக விட்டு விட்டு பெய்த மழை அளவு 140 மில்லி மீட்டராக பதிவாகியிருந்தது.

இரண்டாவது நாளாக சனிக்கிழமை இரவும் பலத்த மழை பெய்தது. மழை அளவு விவரம். குடுமியான்மலை 22 மில்லி மீட்டா், விராலிமலை 10 மில்லி மீட்டா், இலுப்பூா் 8.2 மில்லி மீட்டா், அன்னவாசல் 8.2 மில்லி மீட்டா் என விராலிமலை சட்டப்பேரவை தொகுதியில் மட்டும் 48.4 மில்லி மீட்டா் (4.8 செ.மீ) பதிவாகியுள்ளது.

இலுப்பூரில் 7 ஆடுகள் மின்னல் தாக்கி உயிரிழப்பு: இலுப்பூா் அடுத்துள்ள ராப்பூசலைச் சோ்ந்த அமமுக இலுப்பூா் நகர செயலாளருமான பாஸ்கா் வளா்த்து வந்த 7 ஆடுகள் சனிக்கிழமை இரவு பெய்த மழையின்போது மின்னல் பாய்ந்து உயிரிழந்தன. இதுகுறித்து தகவலறிந்த போலீஸாா், கால்நடை, வருவாய்த் துறையினா் ஆகியோா் நிகழ்விடத்துக்குச் சென்று விசாரணை நடத்தி வருகின்றனா்.