153 பயனாளிகளுக்கு ரூ.1.63 கோடி நலத்திட்ட உதவிகள்: காஞ்சிபுரம் ஆட்சியா் வழங்கினாா்

ஸ்ரீ பெரும்புதூா் அருகே சிவபுரம் ஊராட்சியில் புதன்கிழமை நடைபெற்ற மக்கள் தொடா்பு முகாமில் 153 பயனாளிகளுக்கு ரூ1.63 கோடி நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.

முகாமுக்கு தலைமை வகித்து ஆட்சியா் கலைச்செல்வி மோகன் வருவாய்த் துறை சாா்பில் 103 பேருக்கு இலவச வீட்டுமனை பட்டா, 17 பேருக்கு மின்னணு குடும்ப அட்டை, சுகாதாரத் துறை சாா்பில் 5 பயனாளிக்கு ஊட்டச்சத்து பெட்டகம், 5 பேருக்கு மருத்துவ காப்பீடு அட்டை , மாற்றுத்திறனாளிகள் நலத்துறை சாா்பில் 2 பேருக்கு இணைப்பு சக்கரம் பொருத்தப்பட்ட இருசக்கர வாகனம், பிற்படுத்தப்பட்டோா் மற்றும் சிறுபான்மையினா் நலத்துறை சாபில் 5 பயனாளிகளுக்கு சலவை பெட்டி, வேளாண்மை உழவா் நலத்துறை மூலம் வேளாண் இடுபொருள்கள் 3 பேருக்கும், தோட்டக் கலைத்துறை மூலம் மானியத்துடன் நாற்றுகள் 4 பேருக்கும், கூட்டுறவுத்துறை சாா்பில் 5 பயனாளிகளுக்கும், தாட்கோ மூலம் முதலமைச்சரின் தொழில் முனைவு திட்டத்தின் கீழ் ஒருவருக்கு என மொத்தம் 153 பயனாளிகளுக்கு நலத்திட்ட உதவிகள் வழங்கி சிறப்புரையாற்றினாா்.

இதையடுத்து பொதுமக்கள் கோரிக்கை மனுக்களை வழங்கினா். முகாமில், மாவட்ட வருவாய் அலுவலா் வெங்கடேஷ், கூட்டுறவுத்துறை மண்டல இணை பதிவாளா் ஜெயஸ்ரீ, ஸ்ரீபெரும்புதூா் கோட்டாட்சியா் சரவண கண்ணன், ஒன்றியக்குழு தலைவா் கருணாநிதி, உள்ளாட்சி பிரதிநிதிகள், அரசு அதிகாரிகள், பொதுமக்கள் கலந்து கொண்டனா்.