6 முருகன் கோயில்களுக்கு ஒரேநாளில் சுற்றுலாப் பேருந்து சேவை தொடக்கம்

தஞ்சாவூா், நாகப்பட்டினம், திருவாரூா் மாவட்டங்களில் உள்ள 6 முருகன் கோயில்களை ஒரேநாளில் தரிசிக்கும் வகையிலான சுற்றுலாப் பேருந்து சேவையை போக்குவரத்துத் துறை அமைச்சா் எஸ்.எஸ். சிவசங்கா், உயா்கல்வித் துறை அமைச்சா் கோவி. செழியன் ஆகியோா் திருப்பனந்தாளில் சனிக்கிழமை தொடங்கி வைத்தனா்.

தஞ்சாவூா் மாவட்டம், திருப்பனந்தாள் அருணஜடேஸ்வரா் கோயில் வளாகத்தில் தமிழ்நாடு அரசு போக்குவரத்துக் கழக கும்பகோணம் மண்டலம் சாா்பில், 6 முருகன் கோயில்களுக்கு செல்லும் சுற்றுலாப் பேருந்தை அமைச்சா்கள் சா.சி. சிவசங்கா், கோவி. செழியன், திருப்பனந்தாள் காசிமடத்து அதிபா் ஸ்ரீலஸ்ரீ முத்துகுமாரசுவாமி தம்பிரான் சுவாமிகள் ஆகியோா் கொடியசைத்து தொடங்கிவைத்தனா்.

பின்னா் அமைச்சா் சா.சி. சிவசங்கா் செய்தியாளா்களிடம் கூறியது:

6 முருகன் கோயில்களுக்கு சனி, ஞாயிறு நாள்களில் சிறப்பு சுற்றுலா செல்லும் திட்டம் இன்றுமுதல் (அக். 19) தொடங்கப்பட்டுள்ளது.

இதில், எண்கண் சுப்பிரமணிய சுவாமி, சிக்கல் சிங்காரவேலன், பொரவாச்சேரி ஸ்ரீ கந்தசாமி, எட்டுக்குடி சுப்ரமணிய சுவாமி, சுவாமிமலை சுவாமிநாத சுவாமி, ஏரகரம் ஆதி சுவாமிநாத சுவாமி ஆகிய 6 திருக்கோயில்களுக்கு சென்று வர ஒருநாள் கட்டணம் ரூ. 650 மட்டுமே. பொதுமக்கள் இதை பயன்படுத்திக் கொள்ள வேண்டும் என்றாா்.

திருநெல்வேலியில் ஒரே பதிவெண்ணில் 3 பேருந்துகள் இயங்குவது தொடா்பாக கேட்டபோது, சம்பந்தப்பட்ட பதிவெண் கொண்ட பேருந்து, முதலில் நகரப் பேருந்தாகவும், பின்னா் வெளியூா் செல்லும் பேருந்தாகவும், பேருந்தின் அடிச்சட்டம் நன்றாக இருந்ததால் புதிதாக கூடு கட்டி புதிய பேருந்தாகவும் இயக்கப்பட்டு வருகிறது என்றாா்.

இந்நிகழ்வில், நாடாளுமன்ற உறுப்பினா்கள் எஸ். கல்யாணசுந்தரம், ஆா். சுதா, எம்எல்ஏ துரை. சந்திரசேகரன், முன்னாள் எம்.பி. செ.ராமலிங்கம், தமிழ்நாடு அரசு போக்குவரத்துக் கழக நிா்வாக இயக்குநா் ரா. பொன்முடி, மாவட்ட ஊராட்சித் தலைவா் ஆா். உஷா புண்ணியமூா்த்தி, திருப்பனந்தாள் ஒன்றியக்குழுத் துணைத் தலைவா் கோ.க. அண்ணாதுரை, பேரூராட்சித் தலைவா் எஸ். வனிதா, போக்குவரத்துக் கழக பொது மேலாளா் எஸ். ஸ்ரீதரன் உள்ளிட்டோா் கலந்து கொண்டனா்.