சிங்கப்பூர்: உலக செஸ் சாம்பியன்ஷிப்பில் இந்தியாவின் டி.குகேஷ் } நடப்பு சாம்பியனான சீனாவின் டிங் லிரென் மோதிய 7}ஆவது சுற்றும் செவ்வாய்க்கிழமை டிரா}வில் முடிந்தது.
இரு போட்டியாளர்களும் தொடர்ந்து 4}ஆவது சுற்றை டிரா செய்திருக்கின்றனர். போட்டி பாதி கட்டத்தை கடந்திருக்கும் நிலையில், இருவருமே தலா 3.5 புள்ளிகளுடன் சமநிலையில் தொடர்கின்றனர்.
முன்னதாக, 6}ஆவது சுற்று ஞாயிற்றுக்கிழமை நிறைவடைந்த நிலையில், ஓய்வு நாளான திங்கள்கிழமைக்குப் பிறகு 7}ஆவது சுற்றில் குகேஷ் } லிரென் செவ்வாய்க்கிழமை சந்தித்தனர். இந்தச் சுற்றில் வெள்ளை நிறக் காய்களுடன் விளையாடிய குகேஷ் சற்று சாதகமான சூழலை சந்திக்க, அவரின் அதிரடியான தொடக்க நகர்வுகளால், கருப்பு நிற காய்களுடன் விளையாடிய லிரென் சற்று நெருக்கடிக்கு ஆளானார்.
ஒரு கட்டத்தில் நீண்ட நேரமாக தோற்கும் நிலையிலேயே லிரென் இருந்தார். ஆனால் ஒரு கட்டத்தில் குகேஷ் செய்த தவறான 45}ஆவது நகர்வால், லிரென் அந்த நிலையிலிருந்து தன்னை விடுவித்துக் கொண்டார். இவ்வாறு விறுவிறுப்பாக 5 மணி நேரம், 22 நிமிஷங்கள் நீடித்த இந்தச் சுற்றை, 72 நகர்த்தல்களுக்குப் பிறகு டிரா செய்துகொள்ள இருவரும் முடிவெடுத்தனர்.
மொத்தம் 14 சுற்றுகள் கொண்ட இந்தப் போட்டியில் தற்போது 7 சுற்றுகள் நிறைவடைந்துள்ளன. அடுத்த சுற்று புதன்கிழமை நடைபெறுகிறது. போட்டியில் முதலில் 7.5 புள்ளிகளை எட்டுபவர் சாம்பியனாவார் என்பது நினைவுகூரத்தக்கது.
