Bigg Boss Tamil 8: ஆரம்பமான அடுத்த நாமினேஷன்; அணி மாறும் சாச்சனா, ஜெஃப்ரி; அடுத்து என்ன நடக்கும்?

பிக் பாஸ் தமிழ் சீசன் 8-ன் இன்றைய நாளுக்கான இரண்டு புரோமோக்கள் வெளியாகி இருக்கின்றன.

பிக் பாஸ் தமிழ் சீசன் 8 வது நிகழ்ச்சி தொடக்கப்பட்டு இரண்டு வாரம் முடிவடைந்து இருக்கிறது. இதில் முதல் வாரத்தில் ரவீந்தர் வெளியேற்றப்பட்டார். இரண்டாவது வாரத்தில் அர்னவ் வெளியேற்றப்பட்டார். இந்த சீசனில் 18 போட்டியாளர்களோடு தொடங்கப்பட்ட நிலையில் தற்போது ஆண்கள் அணியில் 7 பேரும், பெண்கள் அணியில் 9 பேரும் இருக்கின்றனர். இந்நிலையில் இன்றைய நாளுக்கான முதல் ப்ரோமோவில், அதில் இந்த வாரம் மிக்ஸ் நாமினேஷன் அதனால் யார் யாரை வேண்டுமானாலும் நாமினேஷன் செய்யலாம் என்று பிக்பாஸ் கூறியிருக்கிறார்.

அதன்படி விஜே விஷால் ஜாக்லினையும், ஆர்.ஜே ஆனந்தி சௌந்தர்யாவையும், ரஞ்சித், ஜாக்குலின் அன்ஷிதாவையும், சுனிதா, அன்ஷிதா இருவரும் சத்யாவை நாமினேஷன் செய்கிறார்கள். ஒவ்வொருவரும் ஒரு சில காரணத்தைக் கூறி நாமினேட் செய்திருக்கிறார்கள். இந்த வாரத்தில் எல்லோரும் திட்டம் போடாமல் அவரவர்கள் தங்களுடைய கருத்தைத் தெரிவித்திருக்கிறார்கள்.

தவிர இன்று வெளியான இரண்டாவது ப்ரோமோவில், இந்த வாரம் எந்த இரண்டு பேர் அணி மாறப் போகிறார்கள் என்று பிக்பாஸ் கேட்க, பெண்கள் அனைவரும் சேர்ந்து சாச்சனாவை தேர்வு செய்கிறார்கள். அதேபோல ஆண்கள் அனைவரும் சேர்ந்து ஜெஃப்ரியை தேர்வு செய்கிறார்கள். இன்றைய எபிசோடில் என்ன நடக்கப்போகிறது என்று பொறுத்திருந்து பார்ப்போம்.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX